Sorag we jogap     Gadyrdan okyjylar! Sorag we jogap bölüminde, siz biziň internet sahypamyza gelen soraglaryň käbirini we biziň beren jogaplarymyzy okap bilersiňiz. Siz bize öz soraglaryňyzy elektron poçtanyň üsti bilen iberip bilersiňiz. Biziň elektron poçtamyz habarlaşyk bölüminde ýazylgydyr. Goý Beýik Hudaý siziň hakykaty gözlemegiňizde we bilmegiňize ak pata bersin!

Kabir soraglarym bardy, yazyshyp bileris mi...
Mysal üçin hristiyanlykda ozuniz hem bilyaniz birnache yol bar, sekta kop... her biri oz aralarynda caknysyp yorendir, men hem dine Mukaddes Kitaba ynanyan, shunun yaly... berip biljek maslagatlarynyz name... siz haysy yoldaky Hristianlar, katolik, Orthodox or staff like that ??? I.


Salam gadyrdan I,

Iberen hatyň üçin minnetdar.
Elbetde ýazyşyp bileris. Gadyrdan I. seniň beren soraglaryňa jogaby ýollaýarys we şu hatda hem saňa berjek maslahatymyz bar…

Biz katolik we Orthodox däl. Biz Taňry Isa ynanýan ýönekeý ynanyjylar. Biz hiç hili ýörite din geýimleri geýmeýäris, boýnymyza haç dakmaýarys. Başga söz bilen aýdanda biz dindar adamlar däldiris. O nähili beýle diýersiň? Ýönekeýje: Adam Hudaý diýende hemişe dini göz öňünde tutýar. Biziň aýtmak isleýän zadymyz bu 2 zat, ýagny din we ynam bar. Din bilen ynam iki dürli ýoldur. Hudaý hiç wagt adama din bermedi. Mümkin sen bu jogaba haýran hem galarsyň, emma bu hakykatdanam şeýledir. We Hudaý adamyň dindar bolmagyny hem islänok. Sebäbi Hudaý din ýaratmady. Muny saňa bir mysalda düşündirmek isleýäris: «Eger sen suwsasaň, onda ýönekeýje krandyň ýanyna gelip suw alyp içýäň, dogry dälmi, we teşneligiňi gandyrýaň. Indi şol bir krandy we eliňde tutjak stakany kagyzda hem şekillendirip, çekip bolýar. Emma suwsan mahalyň saňa suw gerek, kagyzdaky çekilen krantdyr, stakanyň şekili saňa kömek etmez. Bu diýjegimiz: din - hiç wagt adamyň Hudaýa bolan teşnäsini gandyryp bilmedi we asla gandyryp bilmez. Din adamy hemişe talaplardan doldurýar. Eger sen şeýtseň, ýa-da beýtseň, onda mümkin sen halas bolaýmagyň mümkin. Emma pikirlenmegiňe bir sorag: Mukaddes, Päk, Arassa, diňe hakykaty aýdýan Hudaý adam bilen näbelli ýagdaý bilen, «boljak-bolmajak?», «mümkin?», «belki?»,«kim bilýär?» diýen gürrüň bilen gürleşer öýdäňmi? Biziň hemmämiz çagalykda «gizlenme» oýuny oýnapdyk. Din hem edil şeýle. Din adama Hudaýy ýalňyş edip görkezýär, ýagny Hudaýy gaharly, rehimsiz, adamy gowy görmeýän, rehimi ýetmeýän, adamy talaplardan doldyryp taşlaýan, bagyşlamak islemýän, näbellilikde saklaýan Hudaýy görkezýär, we Hudaý barada hakykaty gizlinlikde saklaýar.
Hudaý her bir adamyň, şol babatda seniň dindar bolmagyňy islemeýär. Emma Hudaý seniň ýüregiň bilen Onuň sen üçin eden işine ynanmagyňy isleýär. (Bu Mukaddes Kitaba görä Hudaýyň saňa we her bir adama bolan erki, we saňa berjek hem maslahatymyz şudur). Ýahýanyň Hoş Habarynyň 6-njy babynyň 28-nji we 29-njy ýazgysynda, halk Taňry Isadan Hudaýyň işlerini berjaý etmek barasynda soraýar. Olar şeýle diýýär: Biz Hudaýyň işlerini berjaý etmek üçin näme etmeli? dýip, Taňry Isadan soradylar. Isa olara: «Hudaýyň işi şu: Onuň Iberenine iman ediň» diýip jogap berdi. Hudaýyň ibereni hem bu Isa Mesih!

Ol ýörite dünýädäki her bir adam üçin, we seniň hem durmuşyň üçin plan goýdy. We bu plan seniň halas bolmagyňdyr.

Hudaý adama Mukaddes Kitapda doly Öz erkini aýan etdi. Hudaý hiç wagt adamy näbellilikde goýmaga we näbellilige eltmegi hem islemeýär.
Mukaddes Kitap: «Hudaý söýgidir» diýýär. Bu diýmek Ýaradyjy öz ýaradylyşyny gowy görýär. Ol atanyň öz çagasyny gowy görşi ýaly, seni we biziň her birimizi gowy görýär. Hudaýyň biziň her birimize bolan söýgisi çäksizdir we bakydyr. Köp halatlarda ýerdäki ene-ata hem öz çagasyny taşlap biler, emma biziň Gökdäki Atamyz beýle däl, Ol bizi taşlamýar.

Pikirlen Hudaý Atamyz seni we biziň her birimizi çäksiz, ebedi Atalyk söýgisi bilen söýýär. Bu gowy habar dälmi? Ol hemişe bizi dogry ýoldan, päk, kämil, arassa, jennete eltýän ýoldan äkitmek isleýär. Emma bu ýoly ýapýan zat bu günädir!
Hudaýyň adam üçin birinji we songky islegi – bu adamy günäden halas etmek we adama ebedi ýaşaýşy bermekdir. Hudaý seni we biziň her birimizi bagyşlamak we ýüregimize Öz parahatlygyny bermek isleýär.
Bu üçin Isa Mesih ýere gelýär. Isa Mesih ýoly ýapýan günäni aýryp bilýän Şahsyýet. Ol biziň günälerimiz üçin (hat-da seniň hem günäleriň üçin) gurban bolýar, ýagny haçda ölýär. Mukaddes Kitap adam günäli diýýär. Tapawudy ýok, her birimiz günäli diýýär. Emma günämizden halas bolma ýekeje ýol – bu Isa Mesih. Isa Mesih seniň, biziň her birimiziň, we bütin dünýäniň günäsi üçin gurban boldy. Mukaddes Kitapda Isa Mesih barada, Ol bütin dünýäniň günäsini Öz üstüne alan Gurban Guzusy boldy diýýär. Obrazly aýtsak, Gurban Guzusy çalynýar, onuň päkligi her bir ynanyja geçýär we ynanyjyň günäsini Ol Özüne alýar.
Mukaddes Kitap Reb Isa 3-günden soň ölümden direldi diýýär.

Gadyrdan I,
Eger sen Reb Isanyň seniň günäleriň üçin ölendigine we 3-günden soň ölümden direlendigine bütin ýüregiň bilen ynansaň, we agzyň bilen Isany Reb hökmünde ykrar etseň, onda Mukaddes Kitabyň şaýatlyk edişine görä sen halas bolduň, sen ruhdan doguldyň, Hudaýyň çagasy bolduň diýýär.
Eger sen ýokarda agzaýşymyz ýaly Hudaýyň seniň üçin taýýarlan ajaýyp planyny kabul etmek isleseň, onda gyzyl goýy reňk bilen ýazylan ybadaty çyn ýüregiňden gaýtalamagyňy teklip edýäris. Muny etmek bilen sen Isa Mesihi Taňry hökmünde ýüregiňe kabul edýäň we diri Hudaýyň seň üçin taýýarlan ajaýyp planyny kabul edýäň.
Sen göze görünmeýän Reb Isa edil şu wagt öz türkmen diliňde şeýle ýüzlenip bilersiň. Oňa sen şu sözleri aýdyp bilersiň: «Taňrym Isa, men Saňa minnetdar, minnetdar Taňrym Sen meniň günälerim üçin öldiň we 3-günden soň direldiň. Taňrym Isa, häzir men Seni Taňrym we Halasgärim bol diýip ýüregime çagyrýaryn, haýyş, meniň ähli günälerimi bagyşla we meniň ýüregime gir, meni Öz isleýşiň ýaly durmuşymy üýtget, men Seniň Adyň bilen Taňrym Isa dileg edýärin, Omyn!»
Gadyrdan I, eger sen şu dileg bilen çyn ýüregiňden Taňry Isa ýüzlenen bolsaň, onda Mukaddes Kitap sen Hudaýyň çagasy bolduň diýýär. Hudaý seniň adyňy gökdäki Ýaşaýyş Kitabyna ýazdy diýýär. Eger muny etmedik bolsaň, onda muny yzyňa gaýdyp gaýtalap bilýäň!
Reb Isany kabul edeniň barada bize hökman habar ber. Soraglaryň ýüze çyksa, bize ýaz. Biz saňa jogap bermäge taýýar. We unutma, Hudaý bizden dindar bolmagymyzy hiç islemeýär, emma Isa Mesihe ýüregimizden ynanyp ýaşamagymyzy isleýär!

Goý Hudaýyň Rehimi, Onuň mähirli Atalyk söýgisi we aladasy seni gurşap alsyn, Omyn!

 

Salam. Meniň size bir soragym bar. Sahypaňyzy okadym. Hemme zat gowy welin bir soragyň içinden çykyp bilmedim. Isa Allanyn ogly diýýär. Eger Alla ýeke täk we yalňyz bolsa onda onuň nähili ogly bolýar, ýa da Allanyň ýeke täk bolmasy uçin onun jynsyýetinden ikinji bir zadyň, yagny ogly aýaly dosty ýaly zatlar bolmaly däl ahyryn. Şu sowalyma jogap ýazsaňyz örän şat bolaryn.  K.
 

Salam gadyrly K,

Ýazan hatyň uçin minnetdarlyk bildirýäris.

Hudaý Ýeketäkdir! Hudaý adamy Öz Atalyk söýgisi bilen söýýär. Edil ata öz ogluny nähili atalyk söýgisi bilen söýýän bolsa Hudaý, Gökdäki Atamyz biziň hemmämizi edil şonuň ýaly söýýändir.

Gadyrly K,

Sen Hudaýyň ähli zady başaryp biljegine ynanýarsyňmy? Biziň pikirimizçe, hawa, sen muňa ynanýarsyň we muny gowy bilýärsiň. Hudaý her zady başarýar!

1. Emma Hudaý günä asla etmedik we hiç haçan günä etmez. Mukaddes Kitap Isa Mesih - bu Hudaýyň Ogly diýýär. Emma bu diýdigi Hudaý fiziki taýdan Özüne Ogul edindi diýmegi aňglatmaýar. Hudaý jynsly däldir!!! Hudaý hiç wagt Özüne aýal edinmedi, Onda munuň ýaly pikir hem asla bolmadyk we bolmazam we Ol fiziki gatnaşyklara girmeýär! Şonuň uçin bu gaty erbet pikirdir! Biz hem Hudaýyng Ogly diýende: "Fiziki taýdan bolan Hudaýyň Ogly" diýmegi asla göz oňünde tutmaýarys we tutmadyk! Hudaýyň Ogly diýilende - Ruhy taýdan Ogly göz oňünde tutulýar.
Ruhy taýdan Ogul Öz Atasyna meňzeýär, we hemmelerden hem ol Atasyna ýakyndyr we Oňa boýun bolýandyr! Soňam Ogul Atanyň roluny, Onuň wezipelerini Öz üstüne alyp bilýär, başga söz bilen aýtsak Ogul Atanyň hem ýerini dowam edip bilýär.

2. Reb Isa hakda Mukaddes Kitap ýene-de şeýle diýýär: "Ozal başda Söz bardy, Söz Hudaýdady, we Söz Hudaýyň Özüdi" diýýär. We bu Söz ten bolup ýere geldi"- diýýär. Başga söz bilen aýdanda Söz - bu Isa Mesih! Hudaý Öz Sözüni Öz ýüreginiň içinden çykarýar we adamzadyň halas bolmagy üçin ýere iberýär. We bu Söz adam bolýar. Isa Mesihde Hudaýyň Ruhy, Hudaýyň Özi adam bolýar! Sebäbi Hudaý muny başaryp bilýän Hudaýdyr! Hudaý adam bolup ýere gelip bilýärmi? Elbetde!!! Mysal uçin: garynjalary alalyň! Garynjalaryň gidýän ýeriniň oňünde bir ýangyn bolsa, onda biz adamlar garynja bir zat düşündirjek bolup synanyşmagymyz uçin biz garynja bolmalydyrys. Edil biz hem, Beýik Hudaýyň oňünde garynjalar ýaly! Biz oňümizi görüp bilmeýäris, emma Hudaýyň Özi adam teninde adamlary halas etmek uçin biziň dünýämize gelýär. Onuň biz üçin we bütin adamzada bolan niýeti şudy: "Eger biz şu ýoldan gitsek, ýagny Mesihsiz ýoldan gitsek (ýagny Reb Isa Mesihe Reb we Halasgär hökmünde ynanman,  öz ýolumyzdan gitsek), onda bu yoluň soňy baky dowzah odyna elter, eger biz Oňa çyn ýüregimiz bilen ynansak,  Isa Mesihi Taňry we Halasgärimiz diýip kabul etsek we şol hakykat ýolundan ölümimize çenli dänmän gitsek, onda Ol bizi halas eder.
Şeýlelik bilen gadyrly K, Isa Mesih - Ol Hudaýyň Ruhy Ogly, Ol Hudaýdan gelen Söz(Kelam), bu Söz adam bolup adamzadyň arasynda yaşady. Diýmek Isa Mesihde, hem adamyň hem-de Hudaýyn tebigaty ýüze çykdy! Emma Hudaý hiç wagt fiziki taýdan Özüne Ogul edinmedi, bu pikir gaty erbet, yalňyş, günäli, we akyla sygar ýaly pikir daldir!!!

Gadyrly K, jogabymyz seni kanagatlandyrdy diýip tama edýäris! Eger başgada soraglar ýüze çyksa bize sen ýazyp bilersiň!

Hudaýyň merhemeti, Onuň rehimi elmydama seniň bilen bolsun,

Hoş, sag bol!
 

Mümkin bolsa hristýanlyk barada gysgajyk bilgi
berseňiz we Hristýanlygyň Musulmanlyga nähili garaýsy bar we
eger mümkin bolsa birinji aprel barada eliňizde näme bilgi bar,
näme üçin 1-njy aprelde oýun edip hem bolsa adamlar biribirini
aldaýarlar? Yazyp iberseňiz örän oňat bolardy. Salam
bilen Ş.

Gadyrly Ş, seniň soragyňa jogaplarymyzy ýollaýarys.

1. Birinji aprel barada biz käbir çeşmeleri derňäp gördük we şol çeşmelere görä biz saňa jogaby ýollaýarys.  Birinji aprel "gülki baýramyny" bellemek hakynda dürli-dürli näbelli pikirler (gipotezler) bardyr. Onuň ýenede bir ady "akmaklaryň güni" diýilýär. Emma olaryň ählisi hem bir: bu däp-dessuryň düýp kökündedir, bu orta asyr Ewropa karnawal medeniýetine degişlidir.
Esasy düýbini tutýan pikirleriň biri - bu gadymy Rim imperiýasyna eltýär. Rim imperiýasynda köp hudaýlylyk bardy. Esasanam greklerde. Greklerde 1000 den gowyrak hudaýlary bardy. Sen "zews", "gerakl" "afrodita" "günüň hudaýy" "suwuň hudaýy" we ş.m.hudaýlar hakda eşidendirsiň! Şeylelikde Rim imperiýasynda "gülki" hudaýy hem bardy. Bularyň hemmesi heýkellerdi. Şeylelik bilen 1 aprelde Rimliler "gülki" diýip atlandyran hudaýyna, gülkiler getirmek üçin gülki baýramy belleýärler. Şoňa görä olar bu "gülki hudaýyna" adamy aldamak ýoly bilen gülki getirmäge çalyşýyardylar. Bu gelşiksiz "baýram" çalt başga ýerlerede dargaýar.
Eýýäm şol wagtlar Islandiýa gelýär. (Islandiýa - bu demirgazykdaky ada: Kanada bilen Norwegiýanyň orta arasynda ýerleşýär).
Islandiýada şol wagtlary "saga" diyýen tire-taýpa yaşaýardy. We sagalar hem 1 aprelde "skadey" atly hudaýyna "aldamagy" getirýärdiler. Olaryň maksady şol gün her bir adam näçe köp aldap bilse, şonçada bagtly bolýar öýdýärdiler.

Gadyrly Ş, biz Reb Isa Mesihe ynanýandygymyz üçin biziň öz pikirimiz şu: Biz 1 apreli däl, eýsem aldamagy ýigrenýäris we adamlary umuman aldamaýarys we adamlaryň aldamagyna girmeýäris. Biziň düşünjämiz: 1 aprel - ol her bir aýyň ýönekeýje güni ýalydyr, emma biderek, gelşiksiz zatlary adamyň özi oýlap tapyp aýyň şol bir belli gününe dakýar! Bu gelşiksiz zatlara el urmak we goşulmak bu gowy däldir. Iň wajyp bu özuňi bu zatlardan tämiz saklamakdyr, sebäbi aldamak bu diňe bir gelşiksiz zat däl, eýsem - bu günädir! Mukaddes Kitapda, Ylham 21:8 «Emma gorkagyň, jadygöýüň, butparazyň, bütin ýalançylaryň soňy kükürt bilen ýanýan ot kölüdir» diýip ýazylgy.
Ikinji belläp geçjek pikirimiz bu diňe bir aldaman ýaşamaklyk ýeterli däl, eýsem aldanmaly hem däl! Kimden aldanmaly däl?
Birnji öz şahsy ýoluň: MEN, ÖZÜM diýen ýoly saýlap aldanmak. Bu öz oý-pikiriň we şahsy ýoluň boýunça gitmeklik we şahsy durmuşyňy Hudaýsyz gurmaklyk. Muňa biz öz-özüňi aldamak ýoly diýip atlandyrmak isleýäris. Mukaddes Kitapda: «Ýol bardyr, adamyň gözüne dogry görünýändir, onuň soňy bolsa ölüm ýollarydyr» diýilýär. (Süleýemanyň tymsal.16:25) Ikinji aldanmak bu ýalan taglymatlardan we ýalan taglymatçylardan aldanmakdyr. Bu ýere dürli dinler girýär. Diňe Taňry Isany Halasgär we Hudaý hökmünde kabul eden her bir adam we mesihi ýygnanyşyk bularyň içine gimeýär.
Üçünji aldanmak: şeýtandan aldanmak: alkogolikler, narkomanlar, moral taýdan bozuk tertipsizler, jadygöýlik, palçylyk, satanistler, spritistler, mediumlar, gipnoz, ýalan pygamberlikler, ýalan taglymatlar, U-ŞU, KUNG-FU, Homosexuallar, Transmeditatsiýa edýänler. Mukaddes Kitap:«Şeýtan owaldan ganhordy; hakykatda durmaýardy, çünki onda hakykat ýok. Ol ýalan sözlän mahaly öz-özünden sözleýär, çünki ol ýalançy, ýalanyň atasy» diýýär. (Ýahýa 8:44).  
Dördünjisi iň erbedi. Bu  hakykat ýolunda bolup, durmuşyňy Hudaýyň Sözüne laýyk gelmeýän durmuşy gurmak. Bu adamlary aldap ýöremek, olary ynandyrmak, arakkeş ýa talaňçy bolsa, moral taýdan tertipsizlik edýän, açgöz, zynahorluk, murdarlyk, ahlaksyzlyk, butparazlyk, jadygöýlik, duşmanlyk, dawa, göripçilik, gahar, jenjel, bölünişik, pyrgalar, içigaraçylyk, adam öldrmeklik, serhoşluk, aýşy-eşret we şunuň ýaly zatlardyr. Bular Hudaýyň Patyşalygyny miras almazlar. Aldanmaň, Hudaý Özüni ýaňsyladýan däldir! Adam näme ekse, şony orar. Çünki öz günäli teninde ekin eken tenden çüýreme orar, Ruhda eken bolsa Ruhdan ebedi ýaşaýyş orar. (Galatýalylara hat 5:19-21; 6:7-8). Diýmek, aldanmagyň yzy hem dowzah ody bilen gutarýar.
 
2. Indi Hristianlyk barada jogabymyz. Biz Reb Isa Mesihe ynanýanlar (mesihidiris). Mesihi diýmek rus dilinde hristian diýmekdir. Bu söz her dilde her hili aýdylýar! Araplarda masihi, inglislerde christian diýilýär! Mesihilik barada birinji aýtjak zadymyz bu mesihilik orslardan, ýada iňlislerden gelmedi. Ilkinji mesihiler bu Taňry Isa Mesihiň şägirtleridi. Olar ýehudylardy. Olaryň ýaşan ýeri Ysraýyldy. Şol wagtlary umuman ors halky ýokdy. Mesihilik we musulmancylyk bu iki aýratyn ýoldur! Olaryň ikisiniň arasynda uly uçut bardyr. Mesihi adamyň we musulman adamyň ynanýan Hudaýy bir däldir!!! Biziň ynanýan Hudaýymyz - bu adamy gowy gorýän Hudaý, adamy hemişe bagyşlamaga taýýar Hudaý Atadyr! Yslamdaky beýan edilýän hudaý - bu gazaply, hemişe jeza bermäge taýýar hudaý! Adamy hemişe jeza bilen saklajak hudaý we bu hudaýdan asla azat bolup bolmaýan ýalydyr! Yslamdaky hudaý hemişe dowzaha taşlamaga taýýar hudaýdyr. Yslamda adam halas boljak-bomajagyny umuman bilmeýär, mesihilikde bolsa Hudaýyň adama beren halas bolma wadalary bar! Ol hemişe adamy terk etmejek, taşlamajak Hudaýdyr! Soňam Mesihilik bilen yslamyň ýene-de bir ULY TAPAWUDY: Bu yslamda sen Hudaýy işler bilen, namazdyr, gowylygyň bilen görkezip kanagatlandyrmalysyň, eger beýle bolmasa ol hökman aryny alayjak hudaýdyr, galybersede ilki bu ýerde jezaňy berýän hudaý we bakyýetdede dowzah odyna taşlajak hudaý bolup durýar. Emma Hakykat beýle däldir! Hakyky, Diri Hudaý beýle däldir! Ol adam ýaly gahar-gazapdan doly däldir. Hudaý rehimlidir, Hudaý adamy atalyk soýgisi bilen söýýändir! Eger yslamda adam gazanmaly diýip jan edýän bolsa, onda mesihilikdäki Hakyky Hudaý adama merhemet berýär. Merhemet – bu Hudaýyň her birimize gazanyp bilmeýän Özüniň sowgadyny bize mugt bermegidir. Eger biz Hudaýyň bu sowgadyna: ”Ebedi ýaşaýyş” diýip alsak, onda Hudaý bize jennetde ebedi ýaşaýşa eýe bolmagymyzy sylag hökmünde berýär. Ebedi ýaşaýşy hiç kim öz güýji bilen, öz gowy işleri bilen gazanyp bilmeýär. We muny Mukaddes Kitapda Hudaý göni aýdýar. Sen we biz we ýer yüzünde hiç kim Hudaýyň berjek ebedi yaşaýşyna mynasyp däl we ony gazanyp bolmaýar. Yslamda mumkin men gazanaryn diýip aýdylýar. Emma eger Hakyky Hudaý adama asla gazanyp bilmersiň diýse, onda Onuň aýdýany hakykatdyr we onda biz Oňa gulak asmaly.
Hudaýyň hakyky plany Reb Isa Mesihde amala aşdy! Ol gunälerimiz uçin çalynan Gurban Guzusy boldy! Indi dunýäniň her bir künjeginde yaşaýan her bir adam Reb Isa Mesihe ynanyp, Ony durmuşyna çagyrsa, onda Ol dowzahdan halas bolýar diýip Hudaýyň hut Özi wada beryar! We Hudaýyň bu kömegini hiç bir adam gazanyp bilmeýär. Mukaddes Kitap: "Hiç kim magtanmaz ýaly(öwünmez ýaly) Hudaý şu şerti goýdy"-diýýär. Başga söz bilen aýdanda bakyýetde Onuň Huzurynda bolmak her kime açykdyr we hiç kim magtanmaz ýaly bu mugt sowgatdyr! Tanry Isa Mesih türkmenler uçin, araplar, iňlisdir, demirgazyk we günorta amerikanlar, awstraliýalylar, japonlar, hytaýlylar, özbek, gazak, rus, ewropalylar, tutuş asiya we afrikadakylar üçin, başga söz bilen aýdanda ýer yüzünde ýaşaýan her bir ynsan uçin Gurban Guzusy bolýar! Ol seniň uçinde gadyrdan Ş Gurban Guzusy bolup, seniň günäleriň üçin haçda gurban bolýar! Emma Hudaýyň planynyň Hakykatlygyny we Hakykatyň iki däl YEKEJELIGINI bilmegimiz uçin Reb Isa Mesih 3 günden soň ÖLÜMDEN DIRELDI. Dinlere seret: Buddizimde Budda ölyar, Hinduizmde- Krişna hem ölýär, Yslamda - Muhommet hem ölýär, Mesihilikde Reb Isa Mesih hem ölýär. Emma bularyň içinde hiç kim direlmeýär, emma diňe Reb Isa Mesih ölümden direlýär! Şu ýerden sen Hudaýyň adamzat üçin günälerden gutulyş, baky dowzahdan halas bolma planynyň berilendigini görüp bilersiň! ISA MESIHE BOLAN DIRI YNAM - ADAMY DOWZAH ODUNDAN HALAS EDÝÄR - diýip Mukaddes Kitap aýdyň aýdýar. Reb Isa Özi hakda: "Men ÝOL, HAKYKAT WE YAŞAYYŞDYRYN" diýýär! Pikirlen hiç kim, hiç bir pygamber, hiç wagt bu sözleri aýdan däldir. Her pygamber Hudaýa ýoly görkezýärdi, emma Reb Isa MEN ÝOL diýýär, Men Hakykat diýýär we Men Ýaşaýşdyryn diýýär. Ýaşaýyşyň çeşmesi Onuň hut Özüdir. Soňam Reb Isa Mesih ýerde yaşan mahaly: Ol kesellileri sagaldýardy, ölüleri direltýärdi, tebigatda tupany ýatyryp bilýärdi! Soňam iň wajyby Reb Isa gelen adamlar göni Onuň öňunde dyza çöküp sežde edýärdiler. Pygamber adam: Meniň öňümde dyza çökme, Hudaýyň öňünde dyza çök diýerdi. Emma Reb Isa Mesih adamlaryň her bir alkyşlaryny, seždelerini göni kabul edýärdi!!! Bu diýmek Hudaýyň hut Özi adam bolup (adam teninde) ýere gelmegini aňlatmagydyr. Isa Mesihde Hudaý adam bolup ýere gelýär! Ol her bir adam üçin, şol bir sanda seniň dowzah odundan halas bolmagyň üçin hem ähli zady etdi. Ol haçda ölmezinden ozal: «Amala aşdy!» diýdi. Hawa, Hudaýyň adamlar üçin halas bolma ýoly amala aşdy. Indi Sen hem gadyrly Ş bu  halas bolma ýola düşüp bilersiň. Eger sen günäleriňden halas bolmak isleseň we ölümden soňra Hudaýyň Huzurynda bolmak isleseň, onda sen günäleriň üçin toba edip, Reb Isany Halasgäriň hökmünde durmuşyňa çagyryp bilersiň. Sen ýönekeý ybadat bilen Rebbe şeyle ýüzlenip bilersiň: "Gadyrdan Taňrym Isa Mesih! Sen Hakykatdanam Halasgärsiň! Men bu uçin Saňa minnetdarlyk bildirýärin! Taňrym Isa, men günäli, meniň ähli günälerimi bagyşla, maňa Sen gereksiň, şonuň uçin Rebbim Isa meniň Halasgärim bol, haýyş diýip Saňa ýüzlenýärin; Taňrym Isa meniň ýüregime gir, durmuşyma gir, meniň durmuşymy düýbinden üýtget! Saňa şöhrat we alkyş bolsun ebedi, Reb Isa Mesihiň Ady bilen, Omyn!

Gadyrly Ş, eger sen çyn ýüregiňden şu ybadaty gaýtalan bolsaň, onda Hudaý Mukaddes Kitapda: "Seniň gunäleriň geçildi, indi sen halas bolduň, seniň adyň Ýaşaýyş Kitabyna girizildi" diýip güwä geçýär!

3. Mesihiler musulmanlara nähili garaýar? Her bir ýürekden Reb Isa ynanýan mesihi her bir adamy gowy görýändir! Elbetde musulmanlary hem! Adam haýsy dine degişli bolsa-da, mesihiler adama garaýyşda tapawut goýmaýarlar. Goý diýeli adam dindar däl, ýa-da kär boýunça ol syýasatçy, işgär, garamaýak, ýa-da prezident bolsun, tapawudy ýok, her bir mesihi ýüreginden her bir adamy gowy görýär!!! Mesihe çyn ýüreginden ynanýan mesihi hiç wagt adamy kär bilen baglaşdyryp ýa-da jemgyýetde tutýan ýeri bilen, jemgyýetdäki durumy bilen, onuň tanymal, at gazananlygy bilen, maddy taýdan baýlygy bilen ölçemeýär!!! Mesihe çyn ýürekden ynanýan adam, adamy dünýewi ölçeg bilen , ýagny jemgyýet arasynda bolup geçyän ölçegler bilen hich ölçemeýär! Köplenç jemgyýet narkomany ýigrenýär we jemgyýetiň iň aşakdaky derejesinde goýýar, emma Mesihe çyn ýüreginden ynanýan mesihi onuň abraýyny götermäge, ony galdyrmaga, oňa narkotikadan azat etmegine edip biljek kömegini etjegine hemişe taýýardyr! Jemgyýetiň ölçegi boýunça aşak derejedekiler, mysal üçin jeleplerdir, abraýsyzlary, jemgyýet ýazgarýar, emma hakykatdaky mesihi olar üçin hem ýüregi awaýar we olara beýle günäden yazgarman azat etmäge hemişe taýýardyr! Her bir adam wajypdyr, sebäbi her adam Hudaý tarapyn ýaradylandyr! We her bir adam Hudaýyň sypatyna meňzeşlikde ýaradylandyr! Muny Mukaddes Kitap aýdýar! Başga söz bilen aýdanda Mesihe çyn ýüreginden ynanýan mesihi, presidenti ýa-da gara maýagy, dindar musulmany ýa-da kiçi çagany, Göklerdäki Atamyzyň söygisi bilen deň söýgide soýýändir! Her bir ýüreginden Mesihe ynanýan mesihi her bir adama gowulyk etmek isleýär, mesihiler adama tapawut goymaýarlar! Mysal üçin suwda iki adam gark bolýan bolsa: biri mesihi, başga - biri musulman bolsa, her bir ýürekden Mesihe ynanýan mesihi gämide durup hökman ikisine-de deň garaýyşy bilen ikisini-de halas etmäge çalyşar! We munuň syry täsindir, sebäbi Hakyky Hudaýyň Mukaddes Ruhy her bir ýürekden Mesihe ynanýanda yashap, hakykaty öwredýär! Şonuň üçin Reb Isa Mesihi adam çyn ýüregi bilen kabul edende, Hudaýyň Mukaddes Ruhy adamyň ýüregine girip, ozal adamyň içki durmuşyny üýtgedip başlaýar we bu üýtgeşik beýlekilere daşyndan aydyň görüner!
Şonuň üçin Isa Mesihe diňe pygamber ýaly däl, eýsem Hudaý we Halasgär hökmünde ynanan adama Mukaddes Ruh durmuşyna girýär! We bu diňe we diňe MESIHILIKDE bardyr!!!

Gadyrdan Ş,
Goý biziň ynanýan Diri Hudaýymyz seniň hem Halasgäriň hem Hudaýyň bolsun. We goý Hudaý hemişe seni her bir ýamanlykdan gorasyn we butin durmuşyňa ak pata bersin;
Eger başgada soraglar ýüze çykan bolsa, sen soraglaryňy iberip bilersiň.

Gowy arzuwlar bilen,
 
Merhemet hyzmaty!