Makalalar bölüminde siz özüňize peýdaly pikirlerdir, maslahatlary alarsyňyz diýip umyt edýäris. Siz bize öz makalalaryňyzy hem goýberip bilersiňiz. Makalaňyzy sahypamyza çykarjakdan ozal biz siziň bilen habarlaşarys.  Goý Hökmürowan sizi Öz akyl, paýhasy bilen doldyrsyn!

 

                                  Adamy gul edýän syrly kerepler…

Köp adamlar şeýtanyň barlygyny we  biziň döwrümizde onuň her bir adama garşy işi alyp barýandygyny bilmeýärler.  Köplenç şeýtanyň barlygyny bilmeýän adam, Hudaýyň barlygyna ynanmaýar. Taňry Isa Mesihe ynanyp, Oňa öz durmuşyny tabşyran ynsanlar şeýtanyň işlerini açyk bilýärler, sebäbi Isa Mesihe Reb we Halasgär hökmünde ynanan adam hakykatdadyr. Mesihi adam Hudaýyň ýagtylygynda ýörän mahaly, ol Hudaýyň erkini bilýär.     Ýagtylyk garaňkylygyň syryny açýar.  Ýagtylykda ýörän mesihi adam şeýtanyň hödürleýän zatlaryny uzakdan bilýär.  Şeýtan – bu Hudaýyň duşmany, bütin adamzadyň garşydaşy, ol her birimiziň duşmanymyz. Ol adamyň hakykata, ýagny Isa Mesihe ynanmazlygy üçin ähli ýollardyr, planlaryny taýýarlap goýdy.

Ynha bu ýollaryň birnäçesi barada durup geçeli:

 1. Gündogar göreşleri

 Gündogar göreşleri bilen baglanyşykly adamlar muňa gowy düşünýärler.  Muňa kun-fu, ýoga, uşu girýändir. Elbetde muňa her bir göreş girýän däldir. Ýokarda agzalan göreşleriň bedenterbiýe bilen umumy arabaglanyşygy ýokdur.  Bular bilen meşgullanýanlar tibet monahlar ýaly şowly bolup bilmezler, sebäbi olar muňa bütin ruhyny we janyny berýärler.  Olar demoniki gara güýçlere olary ulanmagy üçin bütinleý açykdyr.  Monahlar garşydaşynyň nireden urgy urjakdygyny öňünden bilýärler we öňünden garşydaşyň ejiz we kesel ýerini bilýärler.  Olaryň intuitsiýasy ýokary derejä ýetýär we bu adamdaky praktika arkaly gelip çykýan normal bilim däl, eýsem gara güýçler bilen baglanyşyklydyr.

2. Ýorup bermeler

 Hudaýyň Sözi anyk bu zatlaryň etmezligi ündew berýär. Hudaýyň Sözi şeýle diýýär: «Siziň araňyzda hiç kim ogluny ýa-da gyzyny otdan geçirmesin. Palçylyk etmäň, müneçjim ýa-da bilgiç bolmaň, jadygöýlik etmäň.  Şeýle hem, hiç biriňiz gözbagçylyk edip, arwah-jynlar ýa-da ruhlar bilen maslahatlaşmaň, ýa-da çözgüdiň jogabyny ölülerden gözlemäň. Çünki, bu işleri edýänler Reb üçin nejisdir».

Köp adamlar şeýtanyň toruna ýönekeý akylsyzlygy sebäpli düşýärler. Kimdir-biri ýan-ýoldaşyny öýe gaýtaryp getirmek üçin jadygöýe ýüzlendi, başga-biri çagany sagaltmak üçin gözbagça(gipnozça) gitdi.  Adamlar öz çagalaryny gurbanlyk beren döwürler hem bolup geçdi.  Uly adamlar diňe bir özlerini şeýtana tabşyrmak bilen çäklenmän, eýsem öz çagalaryny palçylara, jadygöýlere, tebiplere eltýärler.  Eger üns beren bolsaňyz, her bir palçy we jorgutçy adamyň ruhy durmuşy bilen arabaglanyşykly däl zatlar hakda aýdýarlar – öýlenmek, aýrylyşmak, biznesde şowly, ýada şowsyz bolmak, pul, ölüm.  Hiç wagt palçy adama Hudaý bilen duşuşmak, Mukaddes Ruh bilen çokunmak, täzeden dogulmak, ýagny ruhdan dogulmak we mesihi ýygnanyşykda hyzmat alyp barmak hakda aýtmaýar.  Näme üçin? Sebäbi palçylar şeýtana hyzmat edýärler, şeýtan bolsa hiç wagt adama hakykaty aýtmady we asla aýtmaz.

Mattanyň Hoş Habarynyň 5:6 «Dogrulyga ajygyp-suwsanlar bagtlydyr, çünki olar doýup ganarlar diýýär».  Köplenç adamlar durmuşynda köp zatlary arzuw edýärler – geljegi bilmek, pully we  şöhratly bolmak, bir ýerde ýa-da beýleki ýerde şowly bolmak…  Hemme bu ymtylyşlar diňe bir zynjyry tutýar – olar hakykatdan doýdurup gandyrmaýar.  Adamy kanagat edýän belli bir pul möçberi ýokdur.  Adamyň doýup ganar ýaly belli bir derejeli üstünlik hem ýokdur.  Adam gara güýçleriň kerebine girende, ol asla doýmaz.  Sebäbi onuň içinde düýpsizlik bardyr we munuň ahyry ýokdur.

Diri Hudaýa ynanýan mesihi adam bolsa öz geljegini jikme-jik bilmeýär, emma Hudaýyň oňa: «Men seniň bilen!» - diýen sözi ýeterlidir we gandyryjydyr. Biz bilen ertir näme boljagy biz bilmeýäris, emma biziň bilen näme bolsada Hudaýyň bizi hiç taşlamajagyny biz doly bilýäris. Eger biz dogrylyga ajygyp suwsasak, onda Reb bizi doýdurdyp gandyrar.

 3. Okultizm hakyndaky edebiýatlar; alajalar; boýuna, ele, öýe, öýüň daşyna, maşyna we her bir ýere göz degmesin diýip dakylýan her bir milli zatlar. 

Okultizm adamyň janyna şikes getirýär. Adam okultizm hakyndaky edebiýaty okap başlanda ol öz gyzyklanmagy bilen başlaýar. We bu gyzyklanma bilen adam kalbynda gara güýçlere ýol açýar. Gyzyklanmalar şahsy ynama geçýär we adam netijede şeýtan tarapyndan daňylyp başlaýar. Okultizm hakyndaky edebiýat biziň döwrümizde giňişleýin ýaýrandyr, hat-da Beýik Britaniýanyň ýazyjysy J.K. Rowling ýazan Harry Potter kitaby okultizm bilen baglanyşyklydyr.

Köpleri öýlerinde, maşynda, boýuna amulet, doga-tumar asýarlar. Beýlekiler düýe ýüňünden alajalar ellerine dakýarlar.  Şeýle etmek bilen adam «göz degmeden» goranaryn diýip pikir edýär.  Emma bu zatlar adamy hiç zatdan goramaýar, gaýtam şeýtanyň gara güýçlerine taýýar bolan açyk ýol ýasaýar.  Bu zatlar asla adamy hiç zatdan gorap bilmeýär.  Gaýtam adam şeýle etmegi bilen, ol meýletin, öz islegi bilen Hudaýyň goragyndan gidýär, sebäbi ol Hudaýyň ony täsin gorajagyna ynanman, adam eli bilen ýasalan zatlaryň gorajakdygyna ynanýar! Şonuň üçin şeýtanyň ýoly we plany – bu adamyň ünsüni Hudaýdan we Hudaýyň ýolundan sowmakdyr.

 4. Goroskoplar 

Adamlaryň goroskoplara ynanmagy örän geň we düşnüksiz.  Eger adam dürli gazet we žurnallary alyp goroskoplary barlasa, onda şol bir ýyldyzyň we bellenilen günleriň ýörgutlary biri-birine gabat gelmeýär. Köpleri goroskoplar dogry diýýärler.  Emma bu gaty ýalňyş diýip bellemeli. Goroskoplar adam tarapyndan düzülen we ol ýerde ýekeje hem hakykat ýokdur!  Emma adam goroskopa ynansa, onda onuň ynamy onuň özüne şikes ýetirip biler!

 5. Gipnoz

Geliň, kimi Mukaddes Kitap gözbagçylar diýip at berýär?! Adamyň gözüni baglap, onuň erkini basyp taşlaýan we oňa belli bir hereketleri buýruk berýän adama gözbagçy diýip Mukaddes Kitap atlandyrýar.  Kimdir-biri alkogol içgilerden ýa-da narkotikadan azat bolmagy üçin olara kömek üçin ýüzlenýär, emma gowy bolmagyň ýerine olar has beter batga batýarlar.

 6. Spiritizm 

Köp adamlar tarelkanyň, stakanyň, kömegi bilen ölüleriň ruhyny çagyrýarlar, ýa-da ýatan adamy iki barmagy bilen götermäge synanyşýarlar.  Şeýle etmişler arkaly şeýtan adamlary tutýar. Biziň her birimiz öz çagalarymyza şeýtanyň beýle işlerini etmezligi öwretmeli!

  Bu işleriň arkasynda duran şahsyýet

Agzalan zatlaryň ählisiniň arkasynda şeýtan durandyr. Şeýtan hemişe şeýtan däldi.  Ol Hudaý tarapyndan ýaradylan perişdedi. Muny bilmek wajyp, sebäbi Hudaýyň tebigaty şeýtanyň tebigatyndan diňe bir moral bilen tapawutlanman, eýsem güýjiň beýikliligi bilen hem tapawutlanýar.  Ähli perişdeler hem öz bolşunda Hudaý ýaly däl. Olar Hudaý ýaly ähli ýerde bar Bolyjy, ähli zady Başaryjy, Gudratly däl! Ozal başda şeýtan heruwim perişdedi.  Mukaddes Kitap bu barada şu ýerlerde aýdyp geçýär: (Işaýa 14:12-15, Ýezekiýel 28:12-17, Ylham 12:7-9).  Onuň işi, Hudaýy şöhratlamakdy. Asmanda onuň ady Lyutsiferdi. Ol Hudaýa hyzmat edýärdi, emma ol bir pursatda menmenlik edýär.  Onuň pikiri boýunça ol asmanlara çykyp Gudraty Güýçli ýaly bolmakdy.  We onuň ýüregi bu tekepbirligi kabul edenden Hudaý ony asmandan ýere taşlady.  Emma ol şol wagtyň içinde özi bilen 1/3 (üçden bir bölek) perişdeleri ynandyryp alyp gidýar.  Şeýdip iki patyşalyk: ýagtylyk patyşalygy we garaňkylyk patyşalygy emele gelýär.

Lyutsifer ýere taşlanan wagtdan başlap, oňa başga at berilýär: 

* Şeýtan, ýewreý dilinde satan – bu garşydaş, duşman diýmegi aňladýar.

* Iblis, grek dilindi dýablos – töhmet atyjy diýmegi aňladýar.

* Ogry – Ýahýa 10:10 «Ogry diňe ogurlap öldürmek, heläk etmek üçin gelýändir».

* Ganhor- Ýahýa 8:44 «Ol owaldan ganhordy; hakykatda durmaýardy, çünki onda hakykat ýok.  Ol ýalan sözlän mahaly öz-özünden sözleýär, çünki ol ýalançy, ýalanyň atasy.

 Şeýtan Hudaýa garşy hiç zat edip bilmeýär.  Emma ol aldawçy we mekir. Güýçli Biri bag açýar, onuň içinde ähli agaçlardyr, güller bilen doldurýar, emma Güýçliniň duşmany gije gelip gülleri basgylap, aralaryna haşal otlary ekip gidýär.  Güýçli – bu Hudaý, duşman – bu şeýtan.  Şeýtan Hudaýa garşy hiç zat edip bilmeýär, emma ol Hudaýyň bagyna, ýagny adama zelel ýetirýär. Ynha şonuň üçin Mukaddes Kitap: «Ol owaldan ganhordy» - diýýär.  Ol Hudaýy ýigrenýändigi üçin adamy hem ýigrenýändir.

Taňry Isa Mesih şeýtany Galgotada masgaralap ýeňýär!

Taňry Isa Mesih ýere adam teninde gelýär. Ol adam teninde bolsada, adam ýaly günäli däldi.  Iblis Taňry Isany köplenç synaga salýardy, sebäbi Isa Mesih adam tenindedi.  Emma Isa Mesih her gezek iblise garşy Hudaýyň Sözi bilen göreşýärdi.

Gefsimaniýa bagynda Reb Isa uly söweşden geçýär.  Isa Mesih ybadatda durýar.  Ol adam teninde bolandygy üçin Oňa kyndy, sebäbi dowzahyň tutuş güýçleri Oňa garşy toplanyp söweşýär.  Ol bu söweşiň başynda öz şägirtlerine ybadatda bile durmagy aýdýar, emma şägirtleri uka gidýär. Ol uruşda ýeke bolýar.  Şonuň üçin Isa Mesih Gökdäki Ata: «Eý Ata! Isleýän bolsaň, bu käsäni Menden geçir, ýöne Meniň islegim däl, Seniň islegiň bolsun»-diýýär.  Oňa örän kyndy, sebäbi Onuň Ýeke Özi bu söweşde bolmalydy, Ýeke Özi bütin dowzahyň gara güýçlerine garşy durmak.  Ol söweşde Öz erkini Hudaýa tabşyrýar.  Ol şeýle ejir çekmede, söweşde we kynçylykda bolýar, hat-da Onuň deri ýere daman gan damjalary ýalydy. Lukmanlaryň aýdyşyna görä beýle bolup biler diňe haçanda adamyň emotsional taýdan basyşy örän beýik dereje ýetse we stress ýagdaýda adamyň teni şeýle basyşy geçirýär, hat-da adamyň der mäzleriniň içinde ýerleşýän inçejik gan damarlary ýarylýar we adamdan der gan bilen çykýar.  Isa Mesih şeýle basyşda durup bildi.

Ol haçda mahaly hem synagdan geçýär.  Oňa haçda mahaly täsinlik görkezmegi we haçdan düşmegi aýdýardylar. Ony kemsitdiler, emma Ol ähli kynçylyga çydap söweşi ýeňýär. Ol hemme söweşleri Ýeke Özi ýeňdi.  Isa Mesih söweşiň ýeňmegiň wajypdygyny bilýärdi, sebäbi bütin adamzady halas etme ýekeje ýoly - bu Öz janyny bütin adamzat üçin pida etmekdi. We Isa Mesih muny edip bildi. Ol haçda biziň günälerimiz üçin öldi.  Üç günden soň Ol ölümi ýeňdi, ol ölümden direldi.  Mukaddes Kitap Reb Isa barada Ol Taňry, Halasgär we adamyň ähli günälerini Geçipbiliji Reb diýýär. Ol her bir ynsana ebedi ýaşaýşy berip biljekdigi barada güwä geçýär.

Sen hem gadyrly okyjy eger Rebbe çyn ýüregiňden ýüzlenseň, onda günäleriňden, şeýtanyň toryndan, onuň syrly kereplerinden we dowzah odundan halas bolarsyň.

Sen ýönekeýje su ybadat bilen Reb Isa ýüzlenip bilersiň:

«Taňrym Isa, Sen maňa gerek.  Meniň günälerim üçin haçdaky ölümiňe men minnetdar. Meniň ähli günälerimi bagyşla!  Men ýüregimiň gapysyny Seniň üçin açýaryn we oňa girmegiňi soraýaryn.  Meniň Halasgärim we Taňrym bol. Meniň durmuşyma ýolbaşçylyk edip, meni Öz islän adamyň edip ýetişdir.  Meniň günälerimi geçenligiň üçin we maňa baky ýaşaýşy berenligiň üçin men Saňa minnetdar. Omyn.»

              Hapa sözler rak kesel ýaly adamy öldürip biler

Alymlar  adamyň aýdýan sözüniň adamyň diri öýjiklerini öldürip we şypa berip biljekligini subut etdiler.

  XIX asyrda ýaşan dilçi  W. Dal: «Adamyň dili bilen degişmeli däl, sebäbi bu ten we ruhyň arasynda bolan arabaglanyşdyrýan organizm» diýip aýtdy.  Soňky wagtda muny ylmy taýdan subut etmek üçin Russiýa Ylmy Akademiýasynyň problemalary dolandyryş institutynyň ylmy işgäri, biolog Petr Garýaýev ylmy apparat ýasaýar.  Petr Gerýaev «Kwant genetika institutynyň» esaslandyryjysy.  Petr Gerýaeviň döreden bu apparaty adamyň sözlerini elektromagnit yrgyldylaryna geçirýär, soňra bu yrgyldylar adamyň DNK-syna (ýagny nesil yzarlaýjylyk molekulalary) nähili täsir edýänine ylmy barlag geçirip görýär.  Ylmy barlagyň maksady - bu adamyň aýdýan erbet we hapa hem-de gowy sözleriň öz saglygyna  we daş-töwerege nähili täsir galdyrýanyny bilmekdi.  Bu ylmy açyşa görä adamyň aýdýan käbir sözleri minadanam (harby ýarag)  erbet bolup durýar.  Olar «adamyň genetiki apparatynda» ýarylyp, nesil yzarlaýjy programmalary düýbünden üýtgedip başlaýar.  Netijede öýjükleriň programmalary üýtgeşik funktsiýalary edip mutatsiýa getirýär.  Bu ylmy açyşa görä adamyň hromosomlary gysylyp zaýalanýar.          Ýene-de bu ylmy barlagy ösümlikleriň tohumynda edip gördiler.  Ençeme hepdäniň dowamynda bir kiçi otaga arabidopsis atly ösümligiň tohumyny magnitafonyň ýanyna goýýarlar. Magnitafon günde 3-4 sagat erbet, hapa, sögünç sözleri «okaýardy».  Netijede bu tohumlaryň köpüsi ölýär, emma galanlar genetiki egrem-bugram bitenlikleri emele getirýär.  Emma şol bir magnitafon gowy, mähirli, «ýyly» sözleri «aýdanda» - Petr Gerýaeviň apparaty DNK-nyň molekullaryň strukturasynyň üýtgäp başlandygyny görkezýär.  Üzülen spirallar «ösüp» başlaýar, tohumlar direlip, topragyň içinde gögerip çykýar.  Garýaeviň aýdyşyna görä, adamyň, haýwanlaryň we ösümlikleriň genetiki apparaty bir uniwersal kanuna laýyklykda iş alyp baryp we şol kanunyň garmoniýasynda (sazlygynda) işleýändigini belleýär.  «Adamyň her bir sözlän sözi - bu tolkunly genetiki programma, we sözlerde adamy üýtgedip bilýän güýjiniň barlygyny aýdýar.  Käwagt söz adam öldüriji bolup rak keseli emele getirip bilýär, käwagt bolsa söz şypa hem  berip biler – diýip Garýaev aýdýar. 

Mukaddes Kitap bu barada näme diýýär? 

Efeslilere hat 4:29  «Agzyňyzdan hiç haçan hapa söz çykarman, gaýtam, eşidenler peýdalanar ýaly, gerekli abatlyk üçin oňat sözler aýdyň».

Mukaddes Kitap bizden hiç haçan hapa söziň çykmazlygyny aýdýar. Diňe beýle etmek bilen çäklenmeli däl, eýsem Mukaddes Kitap eşidenler peýdalanar ýaly oňat sözleri aýtmagy aýdýar. Başga söz bilen aýdanda Mukaddes Kitap bizden «maksimum» etmegi talap edýär, ýagny men erbet sözlemeýärin diýip begenmeli däl, eýsem ýene-de adamlara oňat sözleri aýdyp bilmäge çalyşmaly.  Hapa sözler - bu sagdyn, gowylyga, bagtlylyga garşy gelýän sözler.  Hapa sözleriň damary gadymy, entäk Mesihiň ýere gelmedik döwrine eltýär.  Adamlar öz durmuşyny şeýtanyň we gara güýçleriň hüjüminden goranmak üçin olar bilen arabaglanyşyga girýärdiler.  Erbet, hapa sözler bilen olar gara güýçleri görkuzmak ýa-da  olar bilen aragatnaşyga girmek isleýärdiler.  Şeýlelikde sögünç, erbet sözler gara güýçler bilen arabaglanyşygyna girýän dildi.  Bu hapa sözler şol galşyna galdy.  Şonuň üçin filologlar muny «Infernal leksika» diýýärler.  «Infernal leksika» bu «dowzah» ýa-da «ölüler diýýaryndan» gelenligi aňladýar.  Hapa, erbet, sögünç we gelşiksiz söz aýtsak, onda biz öz ene dilimize, dilleriň içinde ýeke-täk bolan, owadan, baý dilimizi biz masgaralaýarys.  Biz bu etmegimiz bilen öz gymmatlygymyzy we daş-töweregimizi hapalaýarys.  Adam Hudaýyň şekilinde ýaradyldy we hapa söz ulananda adam günä edýär!  Aýdyşymyz ýaly hapa söz hem uly günä hem-de şeýtan we gara güýçler bilen arabaglaýan dil.  Bu günäni etmezlige - biz ulular jogapkärdiris!  Ulular sögünç, erbet sözleri bilen daş-töweregini hapalaýarlar.  Hat-da iň erbedi bu elhenç sözler bilen adam çagalary hapalaýar. Çagalar bu dili çalt öwrenip jemgyýetde ulanýarlar.  Mukaddes Kitapda beýle adamlar hakda Reb Isa > «Kim-de Maňa iman eden bu çagalardan biriniň günä etmegine sebäp bolsa, boýnundan uly degirmen daşy asylyp, deňziň düýbünden gark bolmak onuň üçin has gowy bolar»diýdi.  Biz köplenç öz etmişlerimizdir, hereketlerimiz bilen daş-töweregimizdäki adamlaryň günä etmegine sebäp bolýarys, olara gahar, erbet pikirler we päk ýüreklerini hapalaýarys.  We iň erbedi-de bu etmişlerimiz üçin biz Hudaýyň öňünde bir wagty bilen jogap bermegimizi unudýarys.   

Bir gezek Taňry Isanyň ýanyna fariseýler(ýagny dindar adamlar) we kanunçylar gelip:  «Näme üçin Seniň şägirtleriň ata-babalaryň adatyny bozýarlar?  Çünki olar nahar iýenlerinde ellerini ýuwmaýarlar»-diýdiler.  Şonda Reb Isa märekäni ýanyna çagyryp, olara diýdi: «Diňläň, düşüniň!  Agza giren zat adamy murdar (hapa, haram) edýän däldir, agyzdan çykan zat adamy murdar edýändir. 

 Nähili güýçli sözler!  Adamy iýýän zat haram etmeýär, eýsem agzyňdan çykýan hapa sözler.  Eger adamyň sözi şeýle hapalygy adama getirip bilse, onda adamyň şol bir dili adama şypa, gowylyk getirip biler.

Süleýmanyň pähimleri kitabynda 18:21  ”Ölüm we ýaşaýyş diliň ygtyýaryndadyr  dili söýýänler onuň miwesinden iýer” diýýär.

Şonuň üçin eger biziň ýüregimiz birini hapa sözler bilen murdar edendigimizi ýatladyp höküm edýän bolsa, onda ilki bilen biz Hudaýdan bagyşlama soramaly, onsoň  erbet sözlän adamyň ýanyna baryp ondan ötünç soramaly.  Bu Hudaýyň düzen tertibi we muny ýetirmek üçin hiç gorkmaly we çekinmeli däl!  Sebäbi bir wagty bilen etmişlerimiz üçin  diri Hudaýyň öňünde durup jogap bermegimizi unutmalyň!

                                        Dogry sežde etmeklik...

 Sežde etmeklik hakda her kimde öz boluşly garaýyşlary we düşünjeleri bar.  Käbir adam sežde edende suratlara, elde bejerlen käbir figuralara, käbir «mukaddes»diýlip atlandyrýan ýerlerden getirilen bir zatlara ýa-da daşlara we şuňa meňzeş köp zatlara sežde edýärler.  Ýa-da bir ýerleriň özüne, käbir medeniýetde mazarlara, öwlüýälere sežde edilýär.  Emma aslyýetinde bu dogrymyka?  Sežde etmeklik näme bilen baglanyşykly.  Her bir ýurduň adamlarynyň öz döwletine magsus bolan sežde edýän ýerleri bardyr.  Mysal üçin Nepalda dagyň üstinde adamlaryň köp zyýarata gelýän ýeri, Taýlandda, Hytaýda buddanyň heýkeli, ondan başga-da her bir budda dinine uýýanlaryň hemmesiniň öýünde patyşanyň suraty bar.  Ýaponiýada her bir öýde gara gapyrjak hökman bolmaly.  Mongoliýada adamlaryň zyýarata  barýan  ýeri bar we ol ýere gelen her bir adam öz mätäçliklerini aýdyp, ol ýere esgi asyp gidýärler, Hindistanda Ganga derýasyna sejde edilýär.  Orta Aziýada hem her hili «mukaddes» diýip atlandyrlan ýerler bar.  Buharada, Hywada, Samarkantda, Nowaýyda, Ürgençde (bularyň hemmesi Özbegistanda),   Kazygurt, Şitler ata(Gazagystanda), Köneürgençde (Türkmenistanda)we her bir bagşynyň sežde edýän ýeri Aşyk Aýdyň piriň(Türkmenistanda) we ýenede ençemeleri bar.  Aýdyp otursaň örän köpdir. Emma bulara sežde etmek, ýa-da şu ýere sežde etmek üçin zyýarata gitmek dogrumy?  

Elbetde ýok!

Göni diri Hudaýa sežde edilmedik sežde bu günädir!  Öwlüýa, ölüleriň ruhuna bagş edip sežde etmek bu uly günä! Galybersede eger öýüňde bir şäheriň, ýa-da bir şahsyýetiň şekili asylgy durup oňa sežde edýän bolsaň onda sen günä edýärsiň! 

 Sežde etmeklik hakda köp ýalňyş pikir edýändigine adam düşünmeýär. Taňry her kimiň Oňa ýüzlenmegini isleýär.  Hudaý öwlüýäde, suratlarda, daşlarda, agaçda, demir, we el bilen bejerlen zatlarda däl...

  Ol diri Hudaýdyr.  Hudaý adamyň diňe Oňa sežde etmegini isleýär we diňe Oňa bolan seždäni Ol kabul edýär.

 Sežde hakda Hudaýyň Sözi bolan Mukaddes Kitap (Bibliýada) näme diýilýär?  Ilki Hudaý On Tabşyrygy Musa pygamberiň üsti bilen Ysraýyl halkyna berende, Ol halka: «Seniň Menden başga hudaýlaryň bolmasyn.  Özüň üçin ýokarda gökde, aşakda ýerde ýa-da ýer asty suwlarda ýaşaýan zatlaryň hiç birine meňzeş şekilde but ýasama.  Sen olara tagzym etme ýa-da olara gulluk etme, çünki Men Hudaýyň Reb gabanjaň Hudaýdyryn.  Meni ýigrenýän atalaryň etmişiniň jezasyny olaryň çagalarynyň üçünji we dördünji arkasyna çekdirerin.  Emma kim Meni söýüp, buýruklarymy ýerine ýetirse, onuň müňlerçe nesline tükeniksiz söýgimi görkezerin» diýip aýtdy.  Bu sözler biriniň oýlap tapan sözleri däl.  Bu diri Hudaýyň adamdan talap eden zady.  Ony ýerine ýetirýän adamda tükeniksiz söýgüsi bolar.

Hudaýyň şu aýadyna görä bir sorag ýüze çykýar: Sen diri Hudaýa sežde edýärsiňmi, ýa-da zyýarata gidip daşdyr, öwlüýalara, ýa-da mümkin öýüňde asylgy duran bir şäheriň ýa-da şahsyýetiň suradyna sežde edýärsiňmi?  

Taňry Isa samariýaly bir aýal bilen söhbetdeş bolanda şol aýala: «Naçar, Maňa ynan, wagt geler, Ata ne şu dagda, nede Iýerusalimde sežde edersiňiz.  Siz tanamaýanyňyza sežde edýärsiňiz... Hakyky sežde edijileriň Ata ruhda, hakykatda sežde etjek wagtlary geler,  eýýäm geldi-de, çünki Ata Özüne şeýle sežde edýänleri agtarýar.  Hudaý Ruhdur, Oňa sežde edýänler ruhda, hakykatda sežde etmelidir.» diýip düşündirýär.

 Bu sözlerden soň özüňi barlap gör!  Sen näme we nähili sežde edýärsiň? Diri Hudaýyň gabanjaňdygyny bildiň... Hudaýyň merhemetli wagtynda dogry sežde etmegi saýlasaň, saňa we nesilleriňe Hudaýyň söýgüsi iner!  Hudaý saňa ak pata bersin!   

Palçylyk -bu näme?

Hudaý ilkinji adamlary ýaradan wagty olarda göni Hudaý bilen gepleşik bardy.  Hudaý olar bilen duşuşyp olaryň hal-ýagdaýyny sorardy.  Adam ata we How ene öz Ýaradyjysyny her gün jennetde görýärdiler.  Taňry Hudaý olar üçin ýakyn Dostdy.

  Emma wagt geçdi, olar köp zatlary bilmek islediler.  Bir gün How ene Taňrynyň duşmany bilen gepleşige girýär.  Duşman (şeýtan) oňa gadagan edilen miweden dadyp görmegi maslahat berýär.  Netijede  How ene özide datdy we adamsyna hem iýdirdi.  Şol günden başlap olaryň Hudaý bilen arasy kesilýär, jennetden kowulýarlar we indi olar öz Taňry Ýaradyjysyny görüp bilmeýärler.  Aradan köp ýyllar geçýär.  Olaryň nesilleri köpelýär.  Her -haýsynda gyzyklanmalar döräp başlaýar.  Köpleri gowy zatlar bilen meşgullandylar mysal üçin sazçylyk.   Emma gynansakda, erbet gyzyklanmalar hem döredi.  Bular göni ruhy adamyň ruhy durmuşyna şikes ýetirip bilýärdi.  Erbet gyzyklanmanyň biri-de bu - palçylyk.  Mukaddes Kitap muny jadygöýlik hem diýip atlandyrýar.  Munda näme edilýär?  Biziň her birimize belli bolşy ýaly köp adamlar öz ykbalyny bilmek isleýärler.  Geljekde ýagny, on, on bäş ýyldan soň näme garaşýanyny bilmek isleýärler.   Öleniň ruhuny çagyrmak, pal atdyrtmak we düýş ýordurmak bularyň ählisini Hudaý ýigrenýär.  Beýle zatlary edýän adamlar we olara barýan adamlar gaty azaşýarlar.  Hudaý Öz halkyna ýüzlenende Ol anyk aýtdy.  Bu zatlary ysraýyllylaryň goňşylary edýärdiler.  Emma Hudaý goňşy halklaryň yzyndan gitmezligi, olaryň edýän zatlaryny etmezligi tabşyrypdy.   Hudaý Taňry olara: «Hiç bir eti gany bilen iýmäň.  Siz pal atmaň, jadygöýlik etmäň» (Lew. 19:26) -diýip aýtdy.  Bu ýerde Hudaý her bir adama kesgitli ýüzlenýär: «Pal atmaň, jadygöýlik etmäň!».  Eger sen şu güne çenli muny eden bolsaň, Hudaýdan ötünç sorap, durmuşyňy täzeden başlap bilersiň.  Jadygöýlik bilen meşgullanmak -bu günä!  Ertiri, geljegiňi Hudaýdan başga hiç kim bilýän däldir.  Palça gitmeklik, ölüleriň ruhuny çagyrmak we şuňa meňzeş zatlary etmek şeýtan bilen göni gepleşige girmekdir.  

  Şu ýerde bir palça ynanan aýalyň durmuşy hakda paýlaşmak örän ýerliklidir.  Gürrüňini etjek gahrymanymyz Orta Aziýaly zenandy.  Ol institutda talypka joralary bilen palça barýar.  Ol palçy aýal oňa: « Waýeý, seniňä geljegiň örän erbet, sen 26 ýaşyňda, aprel aýynyň 14-de ölersiň!  Beýik bir köprüden özüňi oklarsyň...» diýýär.  Ol wagty ol ýaňy 20 ýaşynda bolýar.  Bu şol günden soň tukat bolup ýöreýär.  Onuň tukatlygy şeýdip alty ýyla çekýär.  Ol 24 ýaşyndaka maşgalasy Germaniýa, Köln şäherine göçýär.  Emma ony bu owadan ýurt, gözel köçeler şatlandyrmaýar.  Onuň maşgalasy elinden gelenini edýär.  Emma tukatlyk dowam edip köp garaşdyrman 2 ýyl çalt geçýär we aprel aýynyň 14-i gelýär.   Bu güni ol nämeden başlajagyny bilmeýär.  Ol Kölndäki uly köprä aýaklarynyň gidip barýanyna haýran galýar.  Ol köpriniň üstüne gelip, durýar.  Näme etjegini bilmän aglaýar.  Bütin ömri barada oýlanýar.  «Indi näme, şeýdip ölmelikäm?» -diýip özüne sorag berip durka, arkasyndan öz ýaşlaryndaky bir gyz dürtýär we Taňry Isanyň durmuşy baradaky kiçijik kitaby oňa uzadýar.  Nätanyş gyz onuň aglap duranyny görüp ondan derrew näme bolandygyny soraýar.  Ol derrew ähli zady gürrüň berýär.  Kitap beren gyz ähli zada çalt düşünýär.  Ol ähli zady Hudaýyň duşmanynyň edýändigini düşündirýär.  Ol aglap duran gyza bu ýerden gitmegi teklip edip bilelikde gidýärler.  Olar şol güni uzak günläp söhbet etdiler.  Soňra Orta Aziýadan göçüp gelen gyz Taňry Isany Halasgäri hökmünde kabul edýär.

    Ine, şeýdibem palçynyň aýdany başa barmaýar.  Şeýtan özüne aljak ýene bir ynsany Taňry Isa halas edýär. 

Taňry Isa üçin her bir adam gymmatly.  Ol milletine seretmezden her kimi söýýär.  Onuň üçin iňlismi, rusmy,  türkmenmi, uýgurmy, amerikalymy, ýaponmy, afrikalymy, çeçenmi ýa-da başga milletdenmi tapawudy ýok.  Onuň islegi hemme adam jennetde bolsun.  Onuň ölüminiň maksady hem şudur!  Onuň Söýgüsini kabul et!  Bu merhemet pursadyny şeýtana ogurlatma!  Dogry saýlaw etmäge Taňry saňa ýardam bersin!