Her kim özüni gowy ynsan diýip pikir edýär... Emma gadyrly okyjy seniň jogap bermeli soragyň şudur: ”Sen jennete girmegiň üçin ýeterli derejede gowymyň?” Muny sen nähili bilip bilersiň? Bu üçin sen Hudaýyň adam üçin beren 10 tabşyrygyny ýerine ýetirýändigiňi özüňden sora. Köp adamlar: ”Hawa, men bir ýa-da iki kanunyny bozandyryn, emma bu, «Adam öldürme» diýilen kanun ýaly möhüm däl”.  Sen  Hudaýyň adam üçin Musa pygamberiň üsti bilen berlen 10 tabşyrykylaryna görä öz durmuşyňy barlap bilersiň.

Gel bile göreli.

1.Birinji tabşyryk: ”Seniň menden başga Hudaýlaryň bolmasyn”. Sen durmuşyňda Hudaýy birinji ýerde goýýarsyňmy? Isa Mesih: Hudaýyň Rebbi bütin kalbyň, bütin janyň, bütin güýjüň we bütin düşünjäň bilen söý diýdi. Bu diýmek ata-enä, doganlaryňa, ýan-ýoldaşyňa, çagalaryňa we dostyňa bolan söýgiden hem has ýokary söýginiň bolmalydygyny, Hudaýy beýik we aýratyn söýgi bilen söýmelidigini aýtdy! Sen durmuşyňda Hudaýy birinji ýerde goýýarsyňmy? Seniň durmuşyňda Hudaýyň birinji kanuny berjaý edildimi(edilýärmi)?

2.  Ikinji tabşyryk: “Özüň üçin ýokarda gökde, aşakda ýerde ýa-da ýer asty suwlarda ýaşaýan zatlaryň hiç birine meňzeş şekilde but ýasama. Sen olara tagzym etme, ýa-da olara gulluk etme, çünki Men Hudaýyň Reb gabanjaň Hudaýdyryn”.

   Hudaý diri Hudaýdyr! Ol seniň hiç bir şekile, surata we butlara sežde etmegiňi islemeýän Hudaýdyr. Sen öwlüýälere, belli bolan bir adamyň suratyna, ýa-da ýadygärligine, ýa-da bir dini merkezi säheriniň suratyny öüňde asyp goyup sežde edipmidiň? Galybersede alaja, we şoňa meňzeş zatlaryň güýjine ynanyp görüpmidiň?  Mümkin sen bu zatlara edil şu wagt hem has uly baha berýärsiň, emma Hudaýyň bu zatlara hakykatdan nähili baha berýändigini bilmek isleseň, onda Hudaýyň Musa pygambere beren 2-nji kanuny muny aýdyň kesgitleýär! Sen Diri Hudaýyň aýdan 2-nji kanunyny gaýtadan okap bilersiň! Sen bu zatlaryň bary meniň ynamyma girýär ahyryn, men name edeýin? Bu “meniň ynamym” diýip bilersiň, emma Hudaý bularyň hemmesine butparazlyk diýýär!  Hudaý beýle zatlary ýigrenýän Hudaýdyr!  Ýerde ýaşaýan her bir adama degişli bolan  Hudaýyň 2-nji kanunyny ýerine ýetirmedigiňe ylalaşýarsyňmy?

3. Üçünji tabşyryk: “Hudaýyň Rebbiň adyny boş ýere agzama, çünki Reb Öz adyny boş ýere agzan adamy jezasyz goýmaz”.

Sen durmuşyňda Reb Hudaýyň adyny boş ýere agzap görüpmidiň?  Mysal üçin: sözleri baglanyşdyrmakda, geň galanyňda, bir zada gaharyň gelende, gorkanyňda we şuňa meňzeş ýagdaýlarda agzapmdyň?  Eger seni ýaradan Mukaddes Hudaýyň adyny ýöne ýere agzasaň, Hudaý muny jezasyz goýmaz. Sen Hudaýyň 3-nji kanunyny bozup gördiňmi?

4. Dördünji tabşyryk: “Sabat gününi ýerine ýetirip, ony mukaddes sakla. Alty günde ähli işleriňi edersiň. Emma edinji gün Hudaýyň Rebbe bagyşlanan dynç günüdir.  Bu gün seniň özüň, ogul-gyzyň, gul-gyrnagyň, mal-garaň, galaňyzda ýaşaýan gelmişek hiçisi bir iş hem etmesin.  Çünki Reb Ýeri, Gögi, deňzi we olardaky zatlary alty günde ýaratdy, ýedinji gün bolsa dynç aldy. Şonuň üçin hem Reb Sabat gününi alkyşlap, ony mukaddes etdi”. 

Sabat güni – bu hepdäniň ýedinji güni bolyp, ähli işleriňden dynç alyp Rebbe bagyş etmeklik günidir! Şol gün Hudaý senden başga günlerden tapawutlylykda Oňa has minnetdarlyk bildirmegiňi, Ol hakda pikirlenmegiňi we Onuň Sözünden okap öwrenmegiňi we diňlemegiňi isleýär. Onuň diri Sözi bu Mukaddes Kitapdyr. Ol altmyş alty kitapdan ybarat bolup Köne we Täze Ähte bölünýär. Köne Ähtde Reb Isanyň Ýere gelmegi hakynda aýdylýar, Täze Ähtde bolsa Onuň doglyşyndan başlap tä haçdaky ölümine we ölenden soňra direlendigi barada, hem-de Onuň gaýtadan geljegi barada ýazylgydyr. Hudaýyň Sözünde ynanýanlaryň ýygnanyşygy barada aýdylýar. Biziň döwrimizdede, her bir ýurtda Onuň yzyna eýerijiler bardyr.  Diri Hudaýa ynanýan her bir ynsan “özüniň ýekşenbe” gününi Hudaýa bagyş edýär. Hudaýyň 4-nji kanuny seniň durmuşyňda nähili amala aşýar?

5. Bäşinji tabşyryk: ”Ata-eneňe hormat goý, şonda Hudaýyň Rebbiň özüňe beren ýerinde ömrüň uzak bolar”.

   Sen ata-eneňi Hudaýyň kanunynda aýdylyşy ýaly hormat goýýarsyňmy?  Mümkin sen käbir sebäplere görä olary ynjydandyrsyň, göwnüne degendirsiň?! We bir wagtky edenleriňi unudansyň, emma Hudaý muny hiç unutmady!

6. Altynjy tabşyryk: “Adam öldürme”.

Köplenç her bir ynsan Hudaýyň öňünde günälidigi barada eşidende: ”Hawa men günäli, emma hemmelerem günäli, emma men gaty uly günä durmuşymda etmedim, ýagny adam öldürmedim” – diýýärler.  Emma Isa Mesih: “ Emma Men size aýdýaryn: öz doganyna nähak gaharlanan kişi, hökümine sezewar bolar. Kim öz doganyna: “Raka” (ýagny akmak, akylsyz) diýse, mejlisiň hökumine sezewar bolar.  Kim “Samsyk” diýse, dowzahyň oduna sezewar bolar”- diýdi. (Matta 5:22).  Mukaddes Kitap: “Doganyny ýigrenýän kişi ganhordyr, siz hiç bir ganhorda ebedi ýaşaýşyň galmaýanyny bilýänsiňiz”-diýýär.(1Ýahýa 3:15).  Hudaý adamyň ýüreginde bolan birine ýigrenji adam öldürme bilen deňlikde hasaba alýar! Biz Onuň kanunyny öz erbet gatnaşygymyz we “gara niýetlerimiz” bilen bozup bilýäris!

7. Ýedinji tabşyryk: ”Zyna etme”.

  Taňry Isa duýdyrypdy: “Zyna etme” diýlenini eşidensiňiz. Men welin size diýýärin, bir aýala azgyn nebis bilen bakan adam öz ýüreginde eýýäm onuň bilen zyna edendir”. Sen durmuşyňda birine azgyn nebis bakyp gördüňmi? Mukaddes Kitap: “Aldanmaň Hudaýyň Patyşalygyny ne ahlaksyzlar (nikadan öň jynsy gatnaşykda bolanlar)…, ne zynahorlar (nikada bolup durup başga biri bilen bolmaklyk), ne gomoseksuallar, ne beçebazlar (çagalary zorlamak) …miras alar.(1Korintos.6:9)

8. Sekizinji tabşyryk: “Ogurlyk etme”.

Sen durmuşyňda ogurlyk edip gördiňmi? Hat-da kiçijik we möhüm däl zat bolsada? Ýa-da okaýan, işleýän ýeriňde,  özüňe degişli däl zady alyp görüpmidiň? Hat-da ata-enäňe degişli zady olardan gizlin alyp görüpmidiň?  Iş ýeriňde ýa-da okuw jaýda gizlin alan zadyňa sen diýersiň: ”Bu zat hiç kimiňki däl ahyryn, bu ýöne iş ýerimde ýatyrdy, hiç kime bu gerek däldi?! Men muny aldym!” Hudaýyň öňünde bularyň ählisi-de ogurlykdyr!

9. Dokuzynjy tabşyryk: ”Başga adamyň garşysyna ýalan şaýatlyk etme.”

Umuman, sen  aldap gördüňmi? Onda bu seni aldawçy edýär. Ganhor(adam öldüren ynsan) diýip näçe adamy öldürene aýdylýar? Ganhor bolmana ýekeje adamy öldürmek ýeterlikdir! Eger sen  ýekeje gezek aldan bolsaň, bu seni aldawçy edýändir. Mukaddes Kitap: ” …bütin ýalançylaryň soňy kükürt bilen ýanýan ot kölüdir”- diýýär.(Ylham 21:8). Sen aldamagy düýpli, agyr, howply günä diýip hasaplamaýarsyň, emma Hudaý muňa aýratyn we kesgitli seredýar!

10. Onynjy tabşyryk: “Başga adamyň öýüne, aýalyna, gul-gyrnagyna ýa-da öküzine, eşegine oňa degişli zatlaryň hiç birine göz dikme”.

Biz hiç haçan başga birine degişli bolan hiç bir  zadyna göz dikmeli däl! Ne onuň jaýyny, ne maşynyny, ne baýlygyny, ne aýalyny, tutuş hiç bir zadyny höwes etmeli däl!

Haýsybirimiz bu tabşyryklary bozmadyk we günäkär däl diýip aýdyp bilýäris?  Şonuň üçin Mukaddes Kitap: ”Çünki hiç bir parh ýok, sebäbi bary günä edip, Hudaýyň şöhratyndan mahrum boldy” diýýär.

Sen özüňi kyn derejede durandygyňy görýärsiňmi? Sen Hudaýyň Özüne garşy günä etmeklikde günäkärdirsiň we wyždanyň hem muny bilýär.

Sen ýalan sözläniňde, ogyrlanyňda, ýa-da kişiň zadyna höwes bildireniňde bularyň nädogrydygyny bilýärsiň!

 Bu edýän günäleriň Hudaýy gamlandyrýar. Mukaddes Kitap Onuň gazaby sende galýar diýýär. Başga söz bilen aýdanda sen Hudaýyň duşmanlarynyň hataryndasyň.

 Mümkin sen Hudaý gowy we Onuň gowylygy sebäpli maňa düsüner we  günälerime gözlerini ýumar diýip çak edýänsiň?

 Göz öňüňe getir eger ýerde ynsan kazysy hokum zalynda has erbet jenaýatkäre eden jenaýaty üçin: ”Bolýar-la, zeleli ýok, ai jenaýatdyrda diýse sen bu kazyny adalatly kazy diýerdiňmi?

Ýok!

Bu adalatsyz kazy.

Hudaý hiç haçan adalatsyz kazy bolmaz!

Hudaý seniň günäde ölmegiňi islemeýär. Hudaý – Ol rehime baý we ýüregi awaýan Hudaýdyr. Ol her bir adam üçin hat-da seniň üçin bagyşlanma eýe bolmak ýolyny taýýarlady. Ol seni ähli günäleriň üçin toba edip, Ebedi Ýaşaýyşy mugt almaklygyňa çagyrýar. Sen Ebedi Ýaşaýşy öz güýjiň bilen ýetip we ony hiç gazanyp bilmersiň. Emma Hudaý Öz söýgisini subut etmegi üçin saňa Ebedi Ýaşaýşy mugt, sowgat hökmünde berýär.

Göz öňüňe getir: sen hokum zalynda, kazyň öňünde dursyň. We sen ençeme jenaýatlarda günäkärsiň.  Seniň eden ähli jenaýatlaryň subut edilen we seniň jenaýatlarda günäkärdigiň  zalda oturanlara aýdyň bellidir. Sen gorkyda we aljyraňňy ýagdaýda kazyň sözüne garaşýarsyň. Iň kyny-da, seniň gowy işleriň jenaýatlary ýuwup bilmeýar!

Kazy hökümi çykarýar: “ Eden ençeme jenaýatlaryň üçin döwletiň hasabyna 300.000 amerikan dollary we jenaýatyňdan ejir çeken adamlaryň hasabyna 200.000 amerikan dollary töwlemeli ýa-da 20 ýyl tussaghana basylmaly!” Jemi 500.000 amerikan dollaryny töwlemelisiň.  Emma sende töwlemäne hiç pul ýok. Kazy iň soňky sözlemini okap gutarjak mahaly zalyň içine saňa nätanyş bolan biri   girýar we seniň azat bolmagyň üçin bütinleý jerimäni töwleýär.

Höküm zalynda towlenen pullar kabul  edilip hasaba alynýar we kanun boýunça kazy seniň azatdygyňy yglan edýär. Kanun kanagatlandy, seniň hakyň bütinleý töwlendi we nätanyşyň beren gurbanlygy, Onuň saňa bolan söýgisiniň saňa subut edip görkezilmegidi. Hudaý 2000 ýyl mundan ozal günäleriňden halas bolmak işini etdi. Mukaddes Kitap, bütin älem-jahanyň  Hudaýy Isa Mesihde adam bolup ýere geldi diýýär. Ol seniň we meniň günämiz üçin haçda ejir çekip öldi. We bu seniň we meniň azat bolmagymyz üçin tölenen tölegdir. Başga sözler bilen aýdanda biz kanuny bozdyk, Reb Isa bolsa biziň tölegimizi töledi.

“Hudaý bize bolan söýgisini, biz entek günäkärkäk, Mesihiň biziň ugrumyzda ölmegi bilen görkezdi.” (Rimliler 5:8).

”Mesih biziň ugrumyzda gargalyp,bizi kanunyň gargyşyndan halas etdi”(Galatýalylar 3:14””:

 Hudaýyň saňa bolan beýik söýgisini görýärsiňmi?   Sen Onuň bagyşlamagyna mätäçdigiňi duýýarsyňmy? Hudaýyň Sözi şeýle diýýär: “Indi günäleriňiziň geçilmegi üçin toba ediň.” (Resullaryň Işleri 3:19).

 Sen günäleriňden ýüz öwürmelisiň we Hudaýa tarap öwrülmelisiň . Umumy günäden aýrylmaga hiç öz ýollaryňy gözlemän, eýsem durmuşyňy bütinleý seni halas edip Bilijä tabşyr.  Taňry Isa Mesih seni azat etmek üçin haçda öldi we ondan soňra seniň Rebbim bolmagy üçin Ol ölümden direldi.  Taňry Isa: ”Men Ýol, Hakykat we Ýaşaýyşdyryn, Mensiz hiç kim Ata baryp bilmez” diýdi. Eger sen günäleriňi boýun alyp, toba etseň hem-de Reb Isa şahsy Halasgäriň we Rebbiň diýip ynansaň, onda Hudaý seni bagyşlar we sen ölümden ýaşaýşa geçeresiň.

Taňry Isa Mesihe ynanmak diýmek nämäni aňladýar?  Bu diýmek Isa Mesihe şahsy bil baglamakdyr. Mysal üçin: sen öz ýaşaýan etrabyňdyr, şäheriňden gaty daşda ýerleşýan başga bir şähere gitmek isleýärsiň. Bu üçin sen  otla bilet satyn alýarsyň. Bütin otlyda gitmegiň maglumatlaryny(otlyň ugraýan ýa-da giç galýan wagty, otlyda seniň oturmaly ýeriň we ş.m) sen ýörite wokzal işgärinden alýaň? Näme üçin sen her bir adamdan soraman, eýsem ýörite eşik geýen demir ýol işçä ýüzlenýarsiň? Sebäbi olaryň bilýändigine ýönekeýje sen ynanýarsyň. Bilet satyn alandan soňra sen öz münmeli otlyňa münip otyrýarsyň. Sen bu ýerde-de otlynyň seniň barmaly säheriňe eltjekdigine ynanýarsyň. Sen ýönekeý ynamyňy otla goýýarsyň.

Şeýle-de Mukaddes Kitap hem öz ynamyňy Isa Mesihe goý, ýagny “Isa Mesihe ynan…” we halas bolarsyň diýýär.  Bilýärsiňmi milionlarça adamlar Reb Isa Mesihiň bardygyna ynanýarlar… emma olar şahsy Halasgäri hökmünde öz ynamyny Oňa goýmadylar we bu-da uly tapawutdyr.  

Bügün sen bütin ýüregiň bilen günäden ýüz öwür, toba et we durmuşyňy Taňry Isa Mesihe tabşyr. Sen muny soňa goýma. Mümkin seniň durmuşyň hut şu gün kesiljekdir, we eger hut şu gün sen ölseň we  Taňry Isa durmuşyňy tabşyrmadyk bolsaň, onda gaty giç bolar. Onda näme bolar?  Onda Mukaddes Kitabyň kesgitli aýdýan hakykaty ýerine ýeter.  Bu-da ýerde baky gözüňi  ýuman pursadyň, gözleriňi dowzahda açarsyň! Dowzahdakylaryň ýalbarmalaryny Taňry ebedi eşitmeýar! Dowzahdakylar ebedi dowzahda galýandyr. Pikirlen Isa Mesihe sen öz şahsy Halasgäriň kimin durmuşyňy tabşyrmadyk bolsaň, sen-de şol ýere barýarsyň!

Eger sen Hudaý bilen jennetde bolmak isleseň, onda birinji ädim -  bu Taňry Isa bagyşlanmagyň hakynda ýüzlenmegiň. Taňry Isa ýüzlenmä – doga, dileg, ya-da ybadat diýilýär.

Sen Taňry Isa şeýleräk dileg edip bilersiň: ”Gadyrly Hudaý, bu gün men ähli günälerimden ýüz öwürýärin(günäleriňi atlaryny aýdyp bilersiň), we men ynamymy Isa Mesihe baglaýaryn. We Isa Mesihi meniň öz Rebbim we Halasgärim bol  diýip durmuşyma çagyrýaryn. Haýyş Taňrym Isa bagyşla meni we Seniň Huzuryňda ebedi ýaşamaklygy maňa gowşyr.  Men Taňrym we Halasgärim Isa Mesihiň ady bilen dileg edýärin, Omyn!” 

Gadyrly okyjy, bu sözler bilen sen çyn ýürekden dileg eden bolsaň, onda Reb Isa Mesihiň ýüregiňe girendigine hem ynan. Hudaý seni içden üýtgedip başlar. Sen Taňry Isany durmuşyňa Halasgär hökmünde çagyran bolsaň bize bildirip bilersiň, biz saňa okap öwrenmegiňe Hoş Habary ibereris.  Isa Mesih Hoş Habar hakynda şeýle diýdi: ”Bu pygamberlik sözlerini okan, onda ýazylanlara gulak asyp, olary berjaý eden bagtyýardyr, çünki garaşylan wagt ýakyndyr!”

Mukaddes Kitaby oka we Onuň Sözüne gulak as. Sen beýik Hudaýa bil baglap bilersiň – Ol seni söýýär we hemişe wepalydyr.