Mukaddes Kitaby günde okamak

Mukaddes Kitaby gündelik okamak sahypasyna hoş geldiňiz! ”Adam diňe bir çörek bilen däl-de, eýsem, Hudaýyň agzyndan çykan her bir söz bilen hem ýaşaýandyr”. Biz köplenç: ”Gündelik çöregimizi bize şu gün ber” diýip dileg edýäris.  Geliň biziň gündelik ruhy çöregimiz üçin hem  dileg edeliň. Goý bu okamak arkaly Taňry Isa Mesih size ak pata bersin.

Möhüm bildiriş: Biziň gündäki berýän Mukaddes Kitabyň bölekleri, Mukaddes Kitabyň aýratyn bir düşündiriş kitaby ýada wagyz däldir.  Muny siz gündäki Mukaddes Ýazgynyň bir böleginden okap we pikirlenip hem-de şuňa laýyklykda ybadat etmäge ýönekeý bir kömek ediji usuly hökmünde kabul ediň. Goý diri Hudaýyň Özi size Öz Sözünden ylham bersin.

ÝAŞAÝŞY SAÝLA WE ÝAŞA

Kanun taglymaty 30:1-20
«Bu gün siziň öňüňizde ýaşaýyş we ölüm, alkyş we nälet goýandygyma size garşy şaýat bolmaga asmany we ýeri çagyrýaryn. Ýaşaýşy saýlaň, şonda siziň özüňiz hem ýaşarsyňyz, nesilleriňiz-de ýaşar. (19)

1. Rebbe ýüzleniň (1-10)
Hudaýyň adamlary günä eden mahaly, Hudaý olara jeza berýär. Bu barada bütin Mukaddes Kitap, ýagny Täze we Köne Äht aýdýar. Emma haçanda olar ýürekden toba edip, Oňa ýüzlense we Oňa boýun bolsa, onda Hudaý olaryň bereketlerini artdyryp başlaýar. Hudaý Öz perzentleriniň ýüreklerini sünnet edýär we olara Ony bütin ýüregi, jan-teni bilen söýmekligine hem-de ýaşamaklygyna mümkinçilik berýär (6). Ýürekleriň sünnet edilişi diýmeklik – bu tüýs ýürekden toba etmeklik we Reb Hudaýy ýürekden söýmeklikdir. Hudaý kimi söýýän bolsa, oňa jeza hem berýändir, sebäbi Ol olara ak pata bermek isleýär.

2. Ýaşaýyş we ölüm goýýaryn (11-20)
Ýaşaýyş ýoly – bu Hudaýyň Sözünde. Ony ynam bilen kabul etmeli, ýüreklerimizde saklamaly, durmuşda boýun bolmaly we başgalar bilen paýlaşmaly (Rim.10:5-11). Ölüm ýoly – bu gozgalaň turuzmaklyk, boýun bolmazlyk we butparazlyk. Eger Hudaý biziň ýüreklerimizde bolsa, onda Ol bizde Hökmürowan bolmaly. Biz ýüreklerimizi birine ýa-da bir zada berip ýitirmeli däldiris, ony diňe Hudaýa tabşyrmalydyrys, şonda biz ýaşaýyş ýolunda bolarys.

Ybadat: Taňrym, men Seni çyn ýürekden söýmegim üçin, meniň ýüregimi sünnet et. Meniň ýüregimde ähli butparazlygy ýok et. Seniň Sözüňe boýun bolmaga we Seniň ýoluň bilen gitmäge kömek et.

ÖZÜŇIZIŇ HEM MÜSÜRDE GUL BOLANDYGYŇYZY ÝATDAN ÇYKARMAŇ

Kanun taglymaty 24:1-22
«Özüňiziň hem Müsürde gul bolandygyňyz we Hudaýyňyz Rebbiň sizi ol ýerden azat edendigini ýadyňyzdan çykarmaň. Şonuň üçin men size şeýle etmegi buýurýaryn»(18)

1. Başgalaryň ejizligini ulanmaň (1-6)
Dünýäde köp bir hukugy bolmadyk aýallara, kanun olara gorag berdi. Kanun täze maşgala aýaga galyp güýçli bolmagy üçin gorag berdi (5). Soňam kanun adalatly çözgüdi berýärdi. «Hiç kimiň degirmenini ýa-da degirmen daşyny girewine almaň, çünki bu onuň durmuşyny girewine aldygyňyz bolar» (6). Bu diýilmegi sen hiç wagt, hiç adamyň güýç bilen, ýa-da biriniň üsti bilen geljek çöregini, hyzmatyny aljak we ýapjak bolma! Eger beýle etseň, onda hiç wagt unutma, görünmeýän gözler ýokardan seni görýändir we seniň ädimleriň Beýik Hudaýa aýandyr. Adam seniň öz şahsy peýdaňa ýetjek maksadyňdyr, niýetleriňden wajypdyr, şonuň üçin kanun gowşaklary goraýardy.

2. Unutmaň, siz hem gulduňyz (7-22)
Egoist adamlar özüniň öňki ýagdaýyny unudyp, öz doganlaryny satyp gul edip bilýärler.(7)
Bu gaty gazaply ýagdaýdyr. Doganyňy satyp, özüňi ösdürmek bu Hudaýyň öňünde nejislikdir.  Hudaýyň kanunlary adalatly we Hudaýyň halkyny päk durmuşa çagyrýar. Biziň her birimiz: hakyna tutulan işgärleriň, garyplaryň, garamaýaklaryň, gelmişekleriň, çagalaryň, ýetimleriň we dullaryň ejizligini ulanmaly däldiris, şeýle hem bir maşgalanyň şatlygyny elinden almaly däldiris. Olaryň her birine ýüregiň awamaly we olara kömek etmeli. Kömek edende-de kömegiňi gizlinlikde etmeli, ol kömegiňi adamlar däl-de, diňe Hudaýyň Özi bilsin! Eger biz Hudaýyň bize bolan rehimini unutmadyk bolsak, onda biz olara kömek etmän we olary goldaman durup bilmeris.

Ybadat: Taňrym, meniň ozal gul bolandygymy we Seniň meni gulçylykdan azat edendigiňi hiç wagt unutmazlyga kömek et!

Bir sözlem: Hudaýyň rehimini unutma!

PAWLUS TIMOTEOSY SAÝLAÝAR

Resullaryň işleri 16:1-5

«Pawlus Derbe we Listra-da geldi; inne, ol ýerde ejesi imanly ýehudy we kakasy grek bolan Timoteos atly bir şägirt bardy» (1)

1. Pawlus Timoteosy özi bilen äkitmegi çözýär (1-3)
Pawlus missioner we şägirt edip taýýarlamak üçin ýaş ynanýan adamy tapýar.  Pawlus Markusy taýýarlamak isledi, emma Markus missioner durmuşynyň kynçylyklaryny başdan geçirip bilmeýändigini gördi.  Pawlus Listra gaýdandan soňra(Listrada Pawlusy daşlaýarlar), ol  ýerde mert we berk ynanýanlary görýär. Olaryň içinde Timoteos we onuň ejesi bardy.  Timoteos sünnet edilmedikdi, sebäbi onuň kakasy grekdi.  Pawlus ýakynda sünnet barada çekişmelerde ýeňiş gazanypdy, ol ýygnanyşyklara gowy habar getirýärdi we bu habar ynanýanlar üçin örän wajypdy.  Emma ol Timoteosy ýahydylar üçin sünnetledi.  Mümkin, Pawlus Timoteosy hemmeler üçin taýýarlaýar.

2. Ýygnaklaryň imany berkeşýärdi (4-5)
Ynanýanlar Pawlus bilen Timoteosyň ynamyny görenlerinde ynamda berkeşýärdi. Aýratynam  Hudaýyň ulanýan adamy bolmak üçin ynam we boýun bolmagyň gerekdigini bilenlerinde olar ynamda has berkleşdiler.

Ybadat: Taňrym Isa, maňa Seniň gowy şägirdiň bolmagyma kömek et we şägirt taýýarlap bilmegime ýardam et!

Bir sözlem: Şägirt taýýarla!

BAGTLY ADAM

Mezmur 1:1-6

Onuň keýpi diňe Rebbiň kanunyndadyr, gije-gündiz Onuň kanuny hakda pikire gidýändir (2)

1. Miwe getirýän durmuş (1-3)
Mezmur iki dürli adamy beýan edýär.  Birinji – bu bagtly adamlar, sebäbi olar miwe getirýärler.  Bu adamlar erbetleriň maslahatyny kabul etmeýär.  Bagtlylar günä iterýän adamlaryň arasyna barmaýar. Bagtlylar Hudaýyň üstünden we Onuň halkynyň üstünden gülýän we töhmet atýan adamlara özüni goşmaýar. Biziň döwrümizde hem Oňa ynanan ýaly bolup görünýan «ýalan mesihiler» örän kändir, iň erbedi - bular aldaw ýoly bilen mesihilikde uly jogapkärli hyzmatlary eýeleýärler.  Hudaýyň Mukaddes Ruhy bularyň syrlaryny bagtlylara aýan edýär we bagtlylar olaryň maslahatyna gitmeýär, olaryň ýolunda bolmaýar we olaryň meýlisinde oturmaýar!  
Miweli agajyň köki çuň ýerde, akar suwlar ýakasynda bolşy ýaly, bagtly adamyň hem köki Hudaýyň çuňňur Sözündedir. Beýle adam aňyny we ýüregini Hudaýyň Sözi bilen doldurýar.
Agaç öz wagtynda miwe getirýär, sebäbi onuň köki guramaýan çeşmeden suwy alýar.  Eger adamyň köki Hudaýyň Sözünde bolsa, adam gowy miweleri getirer.

2. Ownuk samany (4-6)
Köksüz adam özi barada akylly we azat diýip pikir edýär, emma bu beýle däl. Mukaddes Kitap beýle adama erbet diýip at berýär.  Ol höküm gününde ýok bolup gider. Beýle adamlarda ne kök, ne miwe, nede bagt bardyr!

Ybadat: Taňrym, Seniň Sözüňi ýüregimde berk saklamaga kömek et we meniň durmuşym Saňa köp miwe getirsin!

Bir sözlem: Akar suwlar ýakasynda  ekilen.

MUKADDES HALK BOLMAK

Kanun taglymaty 22:1-30

«Biriniň azaşyp gelen öküzini ýa-da goýnuny görübem görmediksirän bolmaň.  Ol mallary eýesine getirip beriň» (1)

1.Äsgermezlik etme (1-12)
Rebbiň islegi – bu Onuň halkynda jogapgärçilik duýgysynyň bolmagy. Hudaý olarda doganyna, hat-da mal-mülküne jogapgärçilik duýgusynyň bolmagyny isleýär. Biz Kabyl ýaly «ýüreksiz», dogana biparh seredýän, ýa-da äsgermezlik edýänlerden bolmaly däl. Reb Kabyldan: «Doganyň Habyl nirede?» diýip soraýşy ýaly bizden sorasa we biz hem Kabyl ýaly: «Habarym ýok, men näme doganymyň sakçysymy?» diýip jogap bersek, onda biz Kabylyň yzy bilen onuň ýolundan gidýäris we bu ýol ak patadan mahrum bolan ýoldur.  Her bir ene-ata öz çagalarynyň birek-biregi goramagyny, birek-birege jogapgär bolmagyny isleýşi ýaly, Hudaý hem Öz çagalarynyň şeýle bolmagyny isleýär. Hudaýyň halky – biz Hudaýyň Sözünde terbiýelenen bolmalydyrys. Bizde adalat we rehim duýgusy bolmaly.  We bu duýgulyaryň çuňňur we giň bolmagyny, hat-da diňe bir doganyňa däl, eýsem her bir adama, galybersede ýaradylyşa siňip gitmegini Hudaý isleýär. (Aýdyň mysal - bu Kan.taglym. 22:6-7).  Bu kanunlar Hudaýyň halkyna birek-birege alada etmäge we ýürekleri hem-de durmuşy päk saklamaga kömek berýärdi.  

2. Jynsy gatnaşyklar barada kanunlar (13-30)
Hudaý jynsy gatnaşyklary adamzada ak pata bolmagy üçin ýaratdy.  Munuň maksady – maşgalany baglaşdyrmak we nesili dowam etmekdir.  Haçanda bu zatlar Hudaýyň maksadyna we Onuň erkine görä edilse, onda bu - gymmat sowgatly we ak pataly durmuşa öwrüler.  Emma haçanda erkek adam we aýal Hudaýyň kanunyny bozup bikanunlyk etseler, onda olar ak pata bilen baglaşdyrlan jogapgärligi ret edip, öz durmuşlaryny bozýarlar, olar öz maşgalalaryny bozup, hat-da bütin jemgyýeti ahlak taýdan bozulmaklyga eltýärler. Hudaýyň Sözi indi dikelen Hudaýyň halkyna: «Siz öz araňyzdan pisligi aýryp taşlaň» diýlendi.

Ybadat: Reb, maňa arassa durmuşy ber.  Mende jogapgärçilik duýgylaryny ýarat we ösdir; biparhlygy, äsgermezligi menden düýbi bilen aýyr.

Bir sözlem:  Jogapgär bolmak.

BIZIŇ WATANYMYZ GÖKDEDIR

Filipililer 3:17-21

«Biziň watanymyz Gökdedir.  Şol ýerden hem Halasgäre, Reb Isa Mesihe garaşýandyrys»(20)

1. Mesihiň haçyna duşmanlar (17-19)
Resul Pawlus Mesihiň haçyny söýýärdi, sebäbi haçyň üsti bilen ol Hudaýyň söýgisini we bagyşlama rehimini tanapdy.  Resul Pawlus görelde alar ýaly nusga boldy.  Ol bizi Mesihiň haçyna duşman bolup gezmezligimize öwüt-nesihat etdi. Günäde ýaşamak we dünýewi mesihi bolmak – bu Mesihiň haçyna garşy söweşi alyp barmakdyr.  Resul Pawlus olaryň soňy heläkçilikdir diýýär.

2. Watanymyz Gökdedir (20-21)
Gökleriň watandaşlary – bu Halasgär Isanyň ýenede ýere geljegine tüýs ýürekden garaşýanlardyr.  Eger biz Reb Isa gözümizi diksek we Oňa bil baglasak, onda Ol bizi Öz şöhratly bedenine meňzetmek üçin Özüniň ähli zady başarýan güýji bilen bizde iş alyp barar.  We şunlukda Ol bizi Gökdäki öýümizde ýaşamagymyza taýýarlar.

Ybadat: Gökdäki Atam, meniň ýüregimde we pikirimde hökümdarlyk et!  Maňa iýmit, geýim, maşyn, kompýüter hakda aladalanmazlyga hem-de televizoryň başynda köp wagt geçirmezlige kömek et.  Maňa Seniň Ogluň Isa gözümi dikmegime we Oňa bil baglamagyma kömek et.

Bir sözlem:  Gökdäki Patyşalyga mynasyp bolup ýaşa

ONUŇ DIRELIŞ GÜÝJÜNIŇ NÄHILIDIGINI BILMEK

Filipililer 3:10-16

«Ölüminde Oňa meňzäp, Ony tanamak, direlişiniň güýjüni, görgülerine şärkligiň nähilidigini bilmek» (10)

1. Men Mesihi bilmek isleýärin (10-11)

Elbetde Resul Pawlus Taňry Isa Mesihi bilýärdi.  Emma Onuň söýgisiniň çuňňurlygy we güýjüni kim tanap biler?  Eger biz Onuň bilen bile ejir çekýän bolsak we Onuň ölümine degişli bolsak, onda biz Mesihiň ölümden direlişiniň güýjüni tanap bileris.  Mesih bu dünýäniň günäleri üçin haçda ejir çekip ölýär.  Adamyň günäli islegleri Hudaýy gamlandyrýar (Barlyk 6).  Taňry Isa Iýerusalimiň jogapkärsiz ýaşaýjylary üçin we olaryň toba edesi gelmeýändigi üçin aglady (Lk.19:41).Taňry Isa meniň günälerim üçin haçda öldi.  Men toba edemde, men öz günälerimi Onuň haçyna goýýaryn we öz günäli tebigatym üçin ölýärin we men Taňry Isa bilen bilelikde ýaşaýaryn (Rim.6:5).  Eger men bu ölen dünýä üçin Onuň maňa taýýarlan hyzmatyny we çakylygyny kabul etsem, onda men Onuň bilen bile ejir çekme ýolundadyryn.

2. Men maksada ýetmek üçin çalyşýaryn (12-16)

Kämil mesihi – bu ösýän mesihi.  Durmuşyň ylgawy pellehana lentasy kesip geçenimizden soň gutarýar.  Ýagny, Gökdäki Patyşalygyň altyn derwezesinden geçenimizden soň, durmuşyň ähli kynçylyklary gutarýar.  Eger biz ösmeýän bolsak, onda biz yza gidýäris.

Ybadat: Taňrym, Seni gamlandyrýan meniň günälerimi ýigrenmegime kömek et. Özüm we günälerim üçin günde ölmegime kömek et.  Seni tanamagymda, Seniň direliş güýjüňi bilmegime we maksada ýetmegime kömek et.

Bir sözlem: Mesihi tanamak

MESIH ÜÇIN EJIR ÇEKMEGIŇ AJAÝYPLYLYGY

Filipililer 1:27-30

«Çünki Mesihiň hatyrasyna Oňa diňe iman getirmek däl, eýsem, Onuň ugrunda görgi görmek hem size berlendir» (29)

1. Gezişiňiz Mesihiň Hoş Habaryna mynasyp bolsun (27-28)
Hudaý hiç kime aladasyz, ýeňil durmuşy wada bermeýär.  Biz entäk ýerdekä hemme zat bolmagy mümkin.  Emma näme bolsada, biz Mesihiň Hoş Habaryna mynasyp tärde özümizi alyp barmaly. Resul Pawlus bize Hoş Habara bolan iman üçin biziň bir jan bolup göreşmegimizi ündew edýär. Eger Hoş Habary kabul etmeseler biz gorkmaly däl hem-de aladalanmaly däl.  Gorky adamlary kompromise ýa-da birek-birek bilen uruşa eltýär.  Biz hemişe Hudaýda, Onuň aýdýan Sözünde berk durmaly.  Hudaýyň Diri Sözi - biziň halas bolmagymyzyň çeşmesidir.

2. Onuň ugrunda görgi görmek hem size berlendir (29-30)          Her kim wagtal-wagtal ejir çekmeleri we kynçylyklary başyndan geçirýär. Hudaý bolsa Oňa ynanýanlara Mesih ugrunda görgi görmegiň ajaýyplylygyny we munyň Hudaýyň planynda bardygyny aýdýar. Dünýädäki manysyz ejir çekmeler bizde göwniçökgünligi we başarnyksyzlygy emele getirýär.   Emma Isa Mesih ugrunda görgüler we yzarlanmalar – bu biziň Mesih bilen bile ejir çekmegimizdir.  Bu bize Taňry Isany köp bilip, Ony söýmegimize, Oňa meňzeşlikde ösmegimize we Hudaýy şöhratlamaga mümkinçilik berýär.  Geliň biziň ejir çekmelerimizi Taňry Isa bereli we görgilerimizi ynam bilen ýeňip geçmegimiz üçin ybadatda Onuň öňünde dyza çökeli.

Ybadat: Taňrym, maňa Hoş Habara mynasyp tärde gezmäge kömek et; men Seniň ugruňda Isam görgi göremde we yzarlananymda, maňa şatlanyp bilmegime kömek et. Muny maňa öwret.

Bir sözlem: Hoş Habara mynasyp bolup gezmek

HUDAÝYŇ TERBIÝESI

Kanun taglymaty 8:1-20

«Siz şuny ýüregiňizde saklaň, edil ata öz ogluny terbiýeleýşi ýaly, Reb hem sizi terbiýeleýändir» (5)

1. Boýun egijilik terbiýesi (1-9)
Ysraýylyň 40 ýyl çölde bolmagy ýöne bir boş, maksatsyz ýöreýiş bolmady.  Hudaý olaryň ýaşamagy üçin terbiýe berýärdi.  Hudaýyň terbiýesi – bu Hudaýyň söýgisidir. Biziň ruhy duşmanymyzyň biri – bu tekepbirlik.  Çölde terbiýe bermegiň bir maksady – bu ysraýyllylary öz adam ukyplaryna garaşly bolman, eýsem Hudaýdan garaşly bolmagy öwretmeklikdi.  Hudaý olary Özüne boýun egdirip aç goýýär we olary manna bilen naharlady. Ol muny ynsanyň diňe bir çörek bilen ýaşaman, eýsem, Rebbiň agzyndan çykýan her bir sözi bilen hem ýaşap biljekdigine düşünsin diýip etdi.  Hudaýyň kanunlaryna boýun bolmak üçin pes göwünli ýürek gerek.

2. Şadyýan wagtyň Hudaýy merhemetle (10-20)
Hudaý bize ak pata berip bizi baý we kanagatly eden wagty, bize Hudaýy unutmak gaty aňsat. Hat-da Hudaýyň aýtmagyna görä bize şeýle pikiriň gelmegi-de mümkin: «Men öz güýjüm bilen ýa-da öz golumyň gudraty(talantlarym) bilen bu baýlygy topladym!»  Emma ähli talantlar Hudaýydan gelýändir (18).  Hudaýyň halky Hudaýy şöhratlap, Oňa minnetdarlyk bildirmeli we ak patanyň gelmegi we çeşmesi diňe Hudaýdadygyny unutmaly däl! Biz Hudaýyň çagalary pes göwünlilik bilen Onuň kanunlaryna boýun bolmaly we Onuň Sözi boýunça durmuşymyzy gurup, Onuň yzy bilen gitmeli.  Bolmasa Ol söýgisidir, goragyny we ähli talantlaryny yzyna hem alyp biler!

Ybadat: Taňrym, Seniň terbiýeleýän we goraýan söýüji eliň we halas edýän rehimiň üçin minnetdar!

Bir sözlem: Hudaýa pes göwünli ýürek bilen bil bagla  

ÇÖLDÄKI TERBIÝE

Kanun taglymaty 2:1-37

«Hudaýyňyz Reb, hakykatdan-da, siziň her bir tutan işiňize bereket berdi.  Siziň bu ummasyz çölüň içi bilen barýandygyňyzy Ol bilýärdi.  Şol geçen kyrk ýylyň içinde, Hudaýyňyz Reb siziň bilen bile boldy.  Siz hiç zada zar bolmadyňyz.»(7)

1. Hudaý bilen çölde durmuş (1-23)
Ysraýyllylar çölde 38 ýyl boldylar. Eýýäm Hudaýa boýun bolmadyk we söweşde bolan bir nesil ölýär. We Hudaýyň wagty geldi. Hudaý olara demirgazyga gitmegi buýurýar. Ysraýyllylar eýýäm olary gowy görýän we olar barada alada edýän Hudaýa bil baglamaklygy öwrendiler (7). Hudaý ysraýyl halkyny edomlylaryň, ammonitleriň we moawyň ýerlerinden geçen mahaly bu halklara degmezligi, olaryň ýerlerinden geçen mahaly olar  iýmit we suw üçin töwlemeklerini buýruk berýär.  We ysraýyl halky Hudaýa boýun bolýar.

2. Heşbonyň şasy Sihony ýeňiş (24-37)
Halk heşbonyň şasy Sihony uruşda ýeňip, birinji gezek ýeňişiň tagamyny bildi. Sihon ammoreý şasy bolan. Ol ysraýyllylara öz ýurdundan geçmegi gadagan edýär, sebäbi Hudaý onuň ýüregini gataldýar.  Ysraýyl Hudaýa boýun bolup, Oňa bil baglaýar.  Olar söweşdiler we ysraýyllylar ýeňdiler.  Hudaý bu ýeňişi ulanýar, bu ýeňiş arkaly Hudaý Kengan halklaryň ýüreklerinde ysraýyllylara bolan gorkynyň bolmagyny we şol bir babatda ysraýyllylaryň ýüreginde ýeňiş duýgusyny we ynamy döretmek isledi.  Şeýlelikde ysraýyllylar Hudaýa bil baglamagy öwrendiler.  Hudaýa bil baglap bilmek – bu biziň hem durmuşymyzda ýeňişdir.

Ybadat: Taňrym, her bir ýagdaýda Saňa bil baglap bilmegi we ynanmagy öwret!

Bir sözlem: Hudaý Öz halkyny bilýär

ÝITEN GUZY

Lukanyň Hoş Habary 15:1-10

«Sizden biriniň ýüz goýny bar we olaryň birini ýitirýär diýeli.  Ol togsan dokuzysyny düzde goýup, tapýança, ýiteniň yzyndan gitmezmi?» (4)

1.  Çopan ýüregi (1-7)
Günäkärler Reb Isanyň ýanyna gelýärdiler.  Adamyň suwsap suwy küýseýşi ýaly, olar Hudaýyň Sözüni – Ýaşaýyş Suwyny küýsäp, Ondan ganmak isleýärdiler.  Fariseýler(ýagny dini ýolbaşçylar) Reb Isany günälileri kabul edýänini ýüreklerinde ýazgarýardylar.  Fariseýleriň kynçylygy, olar Hudaýyň ýüregini bilmeýärdiler.  Bu ýerde çopan her bir ýiten guzusy hakda alada edýär.  Ol 99 sany goýuny düzde goýup, tä tapýança ýiten ýekeje goýunyň yzyndan gidýär.  Onsoň ol şatlyk bilen ony öýüne getirip dostlaryny çagyryp, öz şatlygy bilen paýlaşýar.  Biziň bu dünýämizde ýiten guzylar kän.  Biz olary tapmaly, olary Reb Isa we toba getirmäge kömek etmeli.   Olar toba eden wagty, Hudaý we Onuň Perişdeleri bütin asmany şöhratly aýdymlary bilen doldurýarlar.

2. Bir aýalyň jan edijiligi (8-10)
Bir aýal özüniň 10 sany kümüş teňňesinden birini ýitirýär.  Ol tä şol ýiten kümüş teňňäni tapýança birahat bolýar.  Bu aýal ýiten teňňäni tapandan soňra ol örän şatlanýar, hat-da öz joralaryny çagyryp öz şatlygy bilen paýlaşýar.  Bu tymsal Hudaýyň bir günäliniň toba gelenligine gaty şatlanýandygyny aýdýar.

Doga: Rebbim Isa, maňa adamlary Seniň ýanyňa getirmegim üçin çopan ýüregi we şatlanýan ruhy ber! Men Saňa gelen her bir adam üçin şatlanyp bileýin!

Ýekeje söz:  Mesihiň Çopan ýüregi mende hem bolsun.

SIZ GÖRÜP - EŞIDENLERIŇIZI HABAR BERIŇ

           
    Mukaddes Kitaby okap öwrenmäge maslahatlar:

1. Doga etmek. Mukaddes Kitaby okajakdan ozal, okajak ýeriňizi dogry düşünmegiňiz üçin dileg ediň: ”Gözümi biderek zatlary görmekden sow; meni Öz ýoluňda direlt”.(Zebur 119:37)
2. Okamak.  Okan bölekde näme hakda gürrüň berilýär?  Hudaýyň Sözüniň hakyky manysyny çuňňur düsünmek üçin beýan edilen wakalara üns beriň.
3. Oýlanmak.  Bu nämäni aňladýar?  Bu sözler arkaly awtor nämäni görkezmek isledi?  Ýörite belläň:

a)      Hudaý Ata, Onuň Ýeke-Täk Ogly Isa Mesih we Mukaddes Ruh barada näme ýazylan;

b)     Mesihi durmuşda ýerine ýetirmeli zatlar:

·        Biziň bil baglamaly wadalar barmy?

·        Biziň boýun bolmagymyzy talap edýän Hudaýyň buýruklary barmy?

·        Biziň üns bermegimizi talap edýän duýduryşlar barmy?

·        Biziň üýtgetmeli adatlarymyz barmy?  Gaça durmaly günäler barmy?

·        Okan bölekde haýsy nesihat möhüm?  Haýsy aýat ”açar aýatydyr”?

4. Ýazmak.  ”Açar aýaty” we möhüm bolup durýan nesihaty tapyň we olar barada  ýazmaga çalşyň.  Bu nesihatlary durmuşyňyzda nähili ulanyp boljakdygyny ýazyň.               
5. Soňky doga. Şol okan bölegiňize esaslanan şahsy ybadatyňyzy ýazyň we söz öwrenmegiňizi şol ybadat bilen tamamlaň.